1-7. පටිච්චවාරාදි

හෙතුපච්චයො

96. සවිතක්කසවිචාරං කුසලං ධම්මං පටිච්ච සවිතක්කසවිචාරො කුසලො ධම්මො උප්පජ්ජති හෙතුපච්චයා… තීණි.

අවිතක්කවිචාරමත්තං කුසලං ධම්මං පටිච්ච අවිතක්කවිචාරමත්තො කුසලො ධම්මො උප්පජ්ජති හෙතුපච්චයා… චත්තාරි.

අවිතක්කඅවිචාරං කුසලං ධම්මං පටිච්ච අවිතක්කඅවිචාරො කුසලො ධම්මො උප්පජ්ජති හෙතුපච්චයා. (1)

අවිතක්කඅවිචාරං කුසලං ධම්මං පටිච්ච අවිතක්කවිචාරමත්තො කුසලො ධම්මො උප්පජ්ජති හෙතුපච්චයා. (1)

අවිතක්කවිචාරමත්තං කුසලඤ්ච අවිතක්කඅවිචාරං කුසලඤ්ච ධම්මං…පෙ… සවිතක්කසවිචාරං කුසලඤ්ච අවිතක්කවිචාරමත්තං කුසලඤ්ච ධම්මං පටිච්ච සවිතක්කසවිචාරො කුසලො ධම්මො උප්පජ්ජති හෙතුපච්චයා. (1)

හෙතුයා එකාදස.

97. සවිතක්කසවිචාරං අකුසලං ධම්මං පටිච්ච සවිතක්කසවිචාරො අකුසලො ධම්මො උප්පජ්ජති හෙතුපච්චයා… තීණි.

අවිතක්කවිචාරමත්තං අකුසලං ධම්මං පටිච්ච සවිතක්කසවිචාරො අකුසලො ධම්මො උප්පජ්ජති හෙතුපච්චයා. (1)

සවිතක්කසවිචාරං අකුසලඤ්ච අවිතක්කවිචාරමත්තං අකුසලඤ්ච ධම්මං පටිච්ච සවිතක්කසවිචාරො අකුසලො ධම්මො උප්පජ්ජති හෙතුපච්චයා. (1)

හෙතුයා පඤ්ච.

98. සවිතක්කසවිචාරං අබ්‍යාකතං ධම්මං පටිච්ච සවිතක්කසවිචාරො අබ්‍යාකතො ධම්මො උප්පජ්ජති හෙතුපච්චයා.

හෙතුයා සත්තතිංස.