1-7. පටිච්චවාරාදි
හෙතුපච්චයො
95. අසංකිලිට්ඨසංකිලෙසිකං කුසලං ධම්මං පටිච්ච අසංකිලිට්ඨසංකිලෙසිකො කුසලො ධම්මො උප්පජ්ජති හෙතුපච්චයා.
අසංකිලිට්ඨඅසංකිලෙසිකං කුසලං ධම්මං පටිච්ච අසංකිලිට්ඨඅසංකිලෙසිකො කුසලො ධම්මො උප්පජ්ජති හෙතුපච්චයා. (සබ්බත්ථ ද්වෙ.)
සංකිලිට්ඨසංකිලෙසිකං අකුසලං ධම්මං පටිච්ච සංකිලිට්ඨසංකිලෙසිකො අකුසලො ධම්මො උප්පජ්ජති හෙතුපච්චයා. (සබ්බත්ථ එකං.)
අසංකිලිට්ඨසංකිලෙසිකං අබ්‍යාකතං ධම්මං පටිච්ච අසංකිලිට්ඨසංකිලෙසිකො අබ්‍යාකතො ධම්මො උප්පජ්ජති හෙතුපච්චයා. (සංඛිත්තං.)
හෙතුයා පඤ්ච.