1-7. පටිච්චවාරාදි

පච්චයචතුක්කං

86. සුඛාය වෙදනාය සම්පයුත්තං කුසලං ධම්මං පටිච්ච සුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. (1)

අදුක්ඛමසුඛාය වෙදනාය සම්පයුත්තං කුසලං ධම්මං පටිච්ච අදුක්ඛමසුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. (1)

හෙතුයා ද්වෙ…පෙ… අවිගතෙ ද්වෙ. (සංඛිත්තං.) (සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

87. සුඛාය වෙදනාය සම්පයුත්තො කුසලො ධම්මො සුඛාය වෙදනාය සම්පයුත්තස්ස කුසලස්ස ධම්මස්ස හෙතුපච්චයෙන පච්චයො. (1)

අදුක්ඛමසුඛාය වෙදනාය සම්පයුත්තො කුසලො ධම්මො අදුක්ඛමසුඛාය වෙදනාය සම්පයුත්තස්ස කුසලස්ස ධම්මස්ස හෙතුපච්චයෙන පච්චයො. (1) (සංඛිත්තං.)

හෙතුයා ද්වෙ, අවිගතෙ ද්වෙ. (සංඛිත්තං. සබ්බත්ථ විත්ථාරො.)

88. සුඛාය වෙදනාය සම්පයුත්තං අකුසලං ධම්මං පටිච්ච සුඛාය වෙදනාය සම්පයුත්තො අකුසලො ධම්මො උප්පජ්ජති හෙතුපච්චයා. (1)

දුක්ඛාය වෙදනාය සම්පයුත්තං අකුසලං ධම්මං පටිච්ච දුක්ඛාය වෙදනාය සම්පයුත්තො අකුසලො ධම්මො උප්පජ්ජති හෙතුපච්චයා. (1)

අදුක්ඛමසුඛාය වෙදනාය සම්පයුත්තං අකුසලං ධම්මං පටිච්ච අදුක්ඛමසුඛාය වෙදනාය සම්පයුත්තො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා තීණි…පෙ… අවිගතෙ තීණි. (සංඛිත්තං. සබ්බත්ථ විත්ථාරො.)

89. සුඛාය වෙදනාය සම්පයුත්තං අබ්‍යාකතං ධම්මං පටිච්ච සුඛාය වෙදනාය සම්පයුත්තො අබ්‍යාකතො ධම්මො උප්පජ්ජති හෙතුපච්චයා. (1)

අදුක්ඛමසුඛාය වෙදනාය සම්පයුත්තං අබ්‍යාකතං ධම්මං පටිච්ච අදුක්ඛමසුඛාය වෙදනාය සම්පයුත්තො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ, අවිගතෙ තීණි. (සංඛිත්තං.)