1-7. පටිච්චවාරාදි
පච්චයචතුක්කං
78. කුසලං අජ්ඣත්තං ධම්මං පටිච්ච කුසලො අජ්ඣත්තො ධම්මො උප්පජ්ජති හෙතුපච්චයා… තීණි.
අකුසලං අජ්ඣත්තං ධම්මං පටිච්ච අකුසලො අජ්ඣත්තො ධම්මො උප්පජ්ජති හෙතුපච්චයා… තීණි.
අබ්‍යාකතං අජ්ඣත්තං ධම්මං පටිච්ච අබ්‍යාකතො අජ්ඣත්තො ධම්මො උප්පජ්ජති හෙතුපච්චයා… තීණි.
හෙතුයා නව, අවිගතෙ නව. (සංඛිත්තං.)
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං, එවං විත්ථාරෙතබ්බං.)
79. කුසලො අජ්ඣත්තො ධම්මො කුසලස්ස අජ්ඣත්තස්ස ධම්මස්ස හෙතුපච්චයෙන පච්චයො… තීණි.
අකුසලො අජ්ඣත්තො ධම්මො අකුසලස්ස අජ්ඣත්තස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අජ්ඣත්තො ධම්මො අබ්‍යාකතස්ස අජ්ඣත්තස්ස ධම්මස්ස හෙතුපච්චයෙන පච්චයො. (1) (සංඛිත්තං).
හෙතුයා සත්ත, ආරම්මණෙ නව, අවිගතෙ තෙරස. (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං.)
බහිද්ධාපදං
හෙතුපච්චයො
80. කුසලං බහිද්ධා ධම්මං පටිච්ච කුසලො බහිද්ධා ධම්මො උප්පජ්ජති හෙතුපච්චයා… තීණි.
අකුසලං බහිද්ධා ධම්මං පටිච්ච අකුසලො බහිද්ධා ධම්මො උප්පජ්ජති හෙතුපච්චයා… තීණි.
අබ්‍යාකතං බහිද්ධා ධම්මං පටිච්ච අබ්‍යාකතො බහිද්ධා ධම්මො උප්පජ්ජති හෙතුපච්චයා. (1)
කුසලං බහිද්ධා ච අබ්‍යාකතං බහිද්ධා ච ධම්මං පටිච්ච අබ්‍යාකතො බහිද්ධා ධම්මො උප්පජ්ජති හෙතුපච්චයා. (1)
අකුසලං බහිද්ධා ච අබ්‍යාකතං බහිද්ධා ච ධම්මං පටිච්ච අබ්‍යාකතො බහිද්ධා ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා නව…පෙ… විපාකෙ එකං…පෙ… අවිගතෙ නව. (සංඛිත්තං.)
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
81. කුසලො බහිද්ධා ධම්මො කුසලස්ස බහිද්ධා ධම්මස්ස හෙතුපච්චයෙන පච්චයො… තීණි.
අකුසලො බහිද්ධා ධම්මො අකුසලස්ස බහිද්ධා ධම්මස්ස හෙතුපච්චයෙන පච්චයො… තීණි.
අබ්‍යාකතො බහිද්ධා ධම්මො අබ්‍යාකතස්ස බහිද්ධා ධම්මස්ස හෙතුපච්චයෙන පච්චයො. (1) (සංඛිත්තං.)
හෙතුයා සත්ත, ආරම්මණෙ නව, අධිපතියා දස…පෙ… අවිගතෙ තෙරස. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)