1-7. පටිච්චවාරාදි

පච්චයචතුක්කං

72. කුසලං අතීතාරම්මණං ධම්මං පටිච්ච කුසලො අතීතාරම්මණො ධම්මො උප්පජ්ජති හෙතුපච්චයා. (1)

අකුසලං අතීතාරම්මණං ධම්මං පටිච්ච අකුසලො අතීතාරම්මණො ධම්මො උප්පජ්ජති හෙතුපච්චයා. (1)

අබ්‍යාකතං අතීතාරම්මණං ධම්මං පටිච්ච අබ්‍යාකතො අතීතාරම්මණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා තීණි, අවිගතෙ තීණි. (සංඛිත්තං.)

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

73. කුසලො අතීතාරම්මණො ධම්මො කුසලස්ස අතීතාරම්මණස්ස ධම්මස්ස හෙතුපච්චයෙන පච්චයො. (1)

අකුසලො අතීතාරම්මණො ධම්මො අකුසලස්ස අතීතාරම්මණස්ස ධම්මස්ස හෙතුපච්චයෙන පච්චයො. (1)

අබ්‍යාකතො අතීතාරම්මණො ධම්මො අබ්‍යාකතස්ස අතීතාරම්මණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

හෙතුයා තීණි, ආරම්මණෙ නව, අවිගතෙ තීණි. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)

අනාගතාරම්මණපදං

හෙතුපච්චයො

74. කුසලං අනාගතාරම්මණං ධම්මං පටිච්ච කුසලො අනාගතාරම්මණො ධම්මො උප්පජ්ජති හෙතුපච්චයා. (සංඛිත්තං.)

හෙතුයා තීණි, ආරම්මණෙ තීණි, අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

75. කුසලො අනාගතාරම්මණො ධම්මො කුසලස්ස අනාගතාරම්මණස්ස ධම්මස්ස හෙතුපච්චයෙන පච්චයො. (සංඛිත්තං.)

හෙතුයා තීණි, ආරම්මණෙ නව, අවිගතෙ තීණි. (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං.)

පච්චුප්පන්නාරම්මණපදං

හෙතුපච්චයො

76. කුසලං පච්චුප්පන්නාරම්මණං ධම්මං පටිච්ච කුසලො පච්චුප්පන්නාරම්මණො ධම්මො උප්පජ්ජති හෙතුපච්චයා. (සංඛිත්තං.)

හෙතුයා තීණි, ආරම්මණෙ තීණි, අවිගතෙ තීණි. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

77. කුසලො පච්චුප්පන්නාරම්මණො ධම්මො කුසලස්ස පච්චුප්පන්නාරම්මණස්ස ධම්මස්ස හෙතුපච්චයෙන පච්චයො. (1)

අකුසලො පච්චුප්පන්නාරම්මණො ධම්මො අකුසලස්ස පච්චුප්පන්නාරම්මණස්ස ධම්මස්ස හෙතුපච්චයෙන පච්චයො. (1)

අබ්‍යාකතො පච්චුප්පන්නාරම්මණො ධම්මො අබ්‍යාකතස්ස පච්චුප්පන්නාරම්මණස්ස ධම්මස්ස හෙතුපච්චයෙන පච්චයො. (1) (සංඛිත්තං.)

හෙතුයා තීණි, ආරම්මණෙ ඡ, අවිගතෙ තීණි. (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං.)