1-7. පටිච්චවාරාදි

පච්චයචතුක්කං

67. කුසලං මග්ගාරම්මණං ධම්මං පටිච්ච කුසලො මග්ගාරම්මණො ධම්මො උප්පජ්ජති හෙතුපච්චයා. (1)

අබ්‍යාකතං මග්ගාරම්මණං ධම්මං පටිච්ච අබ්‍යාකතො මග්ගාරම්මණො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ…පෙ… අවිගතෙ ද්වෙ. (සංඛිත්තං. සබ්බත්ථ විත්ථාරො.)

68. කුසලං මග්ගහෙතුකං ධම්මං පටිච්ච කුසලො මග්ගහෙතුකො ධම්මො උප්පජ්ජති හෙතුපච්චයා. (සංඛිත්තං.)

හෙතුයා එකං…පෙ… අවිගතෙ එකං. (සබ්බත්ථ එකං. සංඛිත්තං.)

69. කුසලං මග්ගාධිපතිං ධම්මං පටිච්ච කුසලො මග්ගාධිපති ධම්මො උප්පජ්ජති හෙතුපච්චයා. (1)

අබ්‍යාකතං මග්ගාධිපතිං ධම්මං පටිච්ච අබ්‍යාකතො මග්ගාධිපති ධම්මො උප්පජ්ජති හෙතුපච්චයා. (1) (සංඛිත්තං).

හෙතුයා ද්වෙ…පෙ… අවිගතෙ ද්වෙ. (සංඛිත්තං. සබ්බත්ථ විත්ථාරො).