1-7. පටිච්චවාරාදි
පච්චයචතුක්කං
63. අකුසලං මිච්ඡත්තනියතං ධම්මං පටිච්ච අකුසලො මිච්ඡත්තනියතො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං. සබ්බත්ථ විත්ථාරො.)
64. කුසලං සම්මත්තනියතං ධම්මං පටිච්ච කුසලො සම්මත්තනියතො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ එකං.)
65. කුසලං අනියතං ධම්මං පටිච්ච කුසලො අනියතො ධම්මො උප්පජ්ජති හෙතුපච්චයා. කුසලං අනියතං ධම්මං පටිච්ච අබ්‍යාකතො අනියතො ධම්මො උප්පජ්ජති හෙතුපච්චයා. කුසලං අනියතං ධම්මං පටිච්ච කුසලො අනියතො ච අබ්‍යාකතො අනියතො ච ධම්මා උප්පජ්ජන්ති හෙතුපච්චයා. (3)
අකුසලං අනියතං ධම්මං පටිච්ච අකුසලො අනියතො ධම්මො උප්පජ්ජති හෙතුපච්චයා… තීණි.
අබ්‍යාකතං අනියතං ධම්මං පටිච්ච අබ්‍යාකතො අනියතො ධම්මො උප්පජ්ජති හෙතුපච්චයා. (1)
කුසලං අනියතඤ්ච අබ්‍යාකතං අනියතඤ්ච ධම්මං පටිච්ච අබ්‍යාකතො අනියතො ධම්මො උප්පජ්ජති හෙතුපච්චයා. (1)
අකුසලං අනියතඤ්ච අබ්‍යාකතං අනියතඤ්ච ධම්මං පටිච්ච අබ්‍යාකතො අනියතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා නව, ආරම්මණෙ තීණි, අවිගතෙ නව. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
66. කුසලො අනියතො ධම්මො කුසලස්ස අනියතස්ස ධම්මස්ස හෙතුපච්චයෙන පච්චයො… තීණි.
අකුසලො අනියතො ධම්මො අකුසලස්ස අනියතස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අනියතො ධම්මො අබ්‍යාකතස්ස අනියතස්ස ධම්මස්ස හෙතුපච්චයෙන පච්චයො. (1) (සංඛිත්තං.)
හෙතුයා සත්ත, ආරම්මණෙ නව, අවිගතෙ තෙරස. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)