1-7. පටිච්චවාරාදි
පච්චයචතුක්කං
58. අකුසලං හීනං ධම්මං පටිච්ච අකුසලො හීනො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං. සබ්බත්ථ විත්ථාරො.)
59. කුසලං මජ්ඣිමං ධම්මං පටිච්ච කුසලො මජ්ඣිමො ධම්මො උප්පජ්ජති හෙතුපච්චයා. කුසලං මජ්ඣිමං ධම්මං පටිච්ච අබ්‍යාකතො මජ්ඣිමො ධම්මො උප්පජ්ජති හෙතුපච්චයා. කුසලං මජ්ඣිමං ධම්මං පටිච්ච කුසලො මජ්ඣිමො ච අබ්‍යාකතො මජ්ඣිමො ච ධම්මා උප්පජ්ජන්ති හෙතුපච්චයා. (3)
අබ්‍යාකතං මජ්ඣිමං ධම්මං පටිච්ච අබ්‍යාකතො මජ්ඣිමො ධම්මො උප්පජ්ජති හෙතුපච්චයා. (1)
කුසලං මජ්ඣිමඤ්ච අබ්‍යාකතං මජ්ඣිමඤ්ච ධම්මං පටිච්ච අබ්‍යාකතො මජ්ඣිමො ධම්මො උප්පජ්ජති හෙතුපච්චයා. (1)
කුසලං මජ්ඣිමං ධම්මං පටිච්ච කුසලො මජ්ඣිමො ධම්මො උප්පජ්ජති ආරම්මණපච්චයා. (1)
අබ්‍යාකතං මජ්ඣිමං ධම්මං පටිච්ච අබ්‍යාකතො මජ්ඣිමො ධම්මො උප්පජ්ජති ආරම්මණපච්චයා. (1) (සංඛිත්තං.)
හෙතුයා පඤ්ච, ආරම්මණෙ ද්වෙ, අවිගතෙ පඤ්ච. (සංඛිත්තං. සහජාතවාරම්පි …පෙ… සම්පයුත්තවාරම්පි පටිච්චවාරසදිසං.)
60. කුසලො මජ්ඣිමො ධම්මො කුසලස්ස මජ්ඣිමස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො මජ්ඣිමො ධම්මො අබ්‍යාකතස්ස මජ්ඣිමස්ස ධම්මස්ස හෙතුපච්චයෙන පච්චයො. (1)
කුසලො මජ්ඣිමො ධම්මො කුසලස්ස මජ්ඣිමස්ස ධම්මස්ස ආරම්මණපච්චයෙන පච්චයො. කුසලො මජ්ඣිමො ධම්මො අබ්‍යාකතස්ස මජ්ඣිමස්ස ධම්මස්ස ආරම්මණපච්චයෙන පච්චයො. (2)
අබ්‍යාකතො මජ්ඣිමො ධම්මො අබ්‍යාකතස්ස මජ්ඣිමස්ස ධම්මස්ස ආරම්මණපච්චයෙන පච්චයො. අබ්‍යාකතො මජ්ඣිමො ධම්මො කුසලස්ස මජ්ඣිමස්ස ධම්මස්ස ආරම්මණපච්චයෙන පච්චයො. (2) (සංඛිත්තං).
61. හෙතුයා චත්තාරි, ආරම්මණෙ චත්තාරි, අවිගතෙ සත්ත.
(සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං.)
පණීතපදං
හෙතුපච්චයො
62. කුසලං පණීතං ධම්මං පටිච්ච කුසලො පණීතො ධම්මො උප්පජ්ජති හෙතුපච්චයා. (1)
අබ්‍යාකතං පණීතං ධම්මං පටිච්ච අබ්‍යාකතො පණීතො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, අවිගතෙ ද්වෙ. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)