1-7. පටිච්චවාරාදි
පච්චයචතුක්කං
55. කුසලං පරිත්තාරම්මණං ධම්මං පටිච්ච කුසලො පරිත්තාරම්මණො ධම්මො උප්පජ්ජති හෙතුපච්චයා. (1)
අකුසලං පරිත්තාරම්මණං ධම්මං පටිච්ච අකුසලො පරිත්තාරම්මණො ධම්මො උප්පජ්ජති හෙතුපච්චයා. (1)
අබ්‍යාකතං පරිත්තාරම්මණං ධම්මං පටිච්ච අබ්‍යාකතො පරිත්තාරම්මණො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා තීණි, අවිගතෙ තීණි. (සංඛිත්තං.)
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
56. කුසලං මහග්ගතාරම්මණං ධම්මං පටිච්ච කුසලො මහග්ගතාරම්මණො ධම්මො උප්පජ්ජති හෙතුපච්චයා. (1)
අකුසලං මහග්ගතාරම්මණං ධම්මං පටිච්ච අකුසලො මහග්ගතාරම්මණො ධම්මො උප්පජ්ජති හෙතුපච්චයා. (1)
අබ්‍යාකතං මහග්ගතාරම්මණං ධම්මං පටිච්ච අබ්‍යාකතො මහග්ගතාරම්මණො ධම්මො උප්පජ්ජති හෙතුපච්චයා (1) (සංඛිත්තං).
හෙතුයා තීණි, අවිගතෙ තීණි. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)
57. කුසලං අප්පමාණාරම්මණං ධම්මං පටිච්ච කුසලො අප්පමාණාරම්මණො ධම්මො උප්පජ්ජති හෙතුපච්චයා. (1)
අබ්‍යාකතං අප්පමාණාරම්මණං ධම්මං පටිච්ච අබ්‍යාකතො අප්පමාණාරම්මණො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, අවිගතෙ ද්වෙ. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)