1-7. පටිච්චවාරාදි
පච්චයචතුක්කං
47. කුසලං සෙක්ඛං ධම්මං පටිච්ච කුසලො සෙක්ඛො ධම්මො උප්පජ්ජති හෙතුපච්චයා. (1)
අබ්‍යාකතං සෙක්ඛං ධම්මං පටිච්ච අබ්‍යාකතො සෙක්ඛො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ, අවිගතෙ ද්වෙ. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)
48. අබ්‍යාකතං අසෙක්ඛං ධම්මං පටිච්ච අබ්‍යාකතො අසෙක්ඛො ධම්මො උප්පජ්ජති හෙතුපච්චයා. (සංඛිත්තං.)
හෙතුයා එකං…පෙ… අවිගතෙ එකං. (සංඛිත්තං.)
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
49. කුසලං නෙවසෙක්ඛනාසෙක්ඛං ධම්මං පටිච්ච කුසලො නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි.
අකුසලං නෙවසෙක්ඛනාසෙක්ඛං ධම්මං පටිච්ච අකුසලො නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි.
අබ්‍යාකතං නෙවසෙක්ඛනාසෙක්ඛං ධම්මං පටිච්ච අබ්‍යාකතො නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා… තීණි. (1)
හෙතුයා නව, අවිගතෙ නව. (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
50. කුසලො නෙවසෙක්ඛනාසෙක්ඛො ධම්මො කුසලස්ස නෙවසෙක්ඛනාසෙක්ඛස්ස ධම්මස්ස හෙතුපච්චයෙන පච්චයො. (සංඛිත්තං.)
හෙතුයා සත්ත, ආරම්මණෙ නව, අවිගතෙ තෙරස. (සංඛිත්තං. යථා කුසලත්තිකෙ පඤ්හාවාරං එවං විත්ථාරෙතබ්බං.)