1-7. පටිච්චවාරාදි

පච්චයචතුක්කං

44. කුසලං ආචයගාමිං ධම්මං පටිච්ච කුසලො ආචයගාමී ධම්මො උප්පජ්ජති හෙතුපච්චයා. (1)

අකුසලං ආචයගාමිං ධම්මං පටිච්ච අකුසලො ආචයගාමී ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා ද්වෙ…පෙ… අවිගතෙ ද්වෙ. (සංඛිත්තං.)

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)

45. කුසලං අපචයගාමිං ධම්මං පටිච්ච කුසලො අපචයගාමී ධම්මො උප්පජ්ජති හෙතුපච්චයා. (සංඛිත්තං. පටිච්චවාරෙපි…පෙ… පඤ්හාවාරෙපි සබ්බත්ථ එකං.)

46. අබ්‍යාකතං නෙවාචයගාමිනාපචයගාමිං ධම්මං පටිච්ච අබ්‍යාකතො නෙවාචයගාමිනාපචයගාමී ධම්මො උප්පජ්ජති හෙතුපච්චයා. (සංඛිත්තං.)

හෙතුයා එකං…පෙ… අවිගතෙ එකං. (සංඛිත්තං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)