1-7. පටිච්චවාරාදි

පච්චයචතුක්කං

41. අකුසලං දස්සනෙන පහාතබ්බහෙතුකං ධම්මං පටිච්ච අකුසලො දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා.

හෙතුයා එකං…පෙ… අවිගතෙ එකං. (සංඛිත්තං.)

42. අකුසලං භාවනාය පහාතබ්බහෙතුකං ධම්මං පටිච්ච අකුසලො භාවනාය පහාතබ්බහෙතුකො ධම්මො උප්පජ්ජති හෙතුපච්චයා.

හෙතුයා එකං…පෙ… අවිගතෙ එකං. (සංඛිත්තං.)

43. කුසලං නෙවදස්සනෙන නභාවනාය පහාතබ්බහෙතුකං ධම්මං පටිච්ච කුසලො නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා. (සංඛිත්තං.)

හෙතුයා සත්ත, ආරම්මණෙ ද්වෙ, අවිගතෙ සත්ත. (සංඛිත්තං. සහජාතවාරෙපි…පෙ… පඤ්හාවාරෙපි සබ්බත්ථ විත්ථාරො.)