1-7. පටිච්චවාරාදි

පච්චයචතුක්කං

හෙතුපච්චයො

31. පරාමාසවිප්පයුත්තං පරාමට්ඨං කුසලං ධම්මං පටිච්ච පරාමාසවිප්පයුත්තො පරාමට්ඨො කුසලො ධම්මො උප්පජ්ජති හෙතුපච්චයා. (1)

පරාමාසවිප්පයුත්තං අපරාමට්ඨං කුසලං ධම්මං පටිච්ච පරාමාසවිප්පයුත්තො අපරාමට්ඨො කුසලො ධම්මො උප්පජ්ජති හෙතුපච්චයා. (1) (සංඛිත්තං.)

32. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං. ලොකියලොකුත්තරදුකසදිසං. සහජාතවාරොපි…පෙ… පඤ්හාවාරොපි විත්ථාරෙතබ්බා.)

33. පරාමාසවිප්පයුත්තං පරාමට්ඨං අකුසලං ධම්මං පටිච්ච පරාමාසවිප්පයුත්තො පරාමට්ඨො අකුසලො ධම්මො උප්පජ්ජති හෙතුපච්චයා (සබ්බත්ථ එකං).

34. පරාමාසවිප්පයුත්තං පරාමට්ඨං අබ්‍යාකතං ධම්මං පටිච්ච පරාමාසවිප්පයුත්තො පරාමට්ඨො අබ්‍යාකතො ධම්මො උප්පජ්ජති හෙතුපච්චයා. (1)

පරාමාසවිප්පයුත්තං අපරාමට්ඨං අබ්‍යාකතං ධම්මං පටිච්ච පරාමාසවිප්පයුත්තො අපරාමට්ඨො අබ්‍යාකතො ධම්මො උප්පජ්ජති හෙතුපච්චයා… තීණි.

පරාමාසවිප්පයුත්තං පරාමට්ඨං අබ්‍යාකතඤ්ච පරාමාසවිප්පයුත්තං අපරාමට්ඨං අබ්‍යාකතඤ්ච ධම්මං පටිච්ච පරාමාසවිප්පයුත්තො පරාමට්ඨො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)

35. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං. ලොකියදුකසදිසං. සහජාතවාරම්පි…පෙ… පඤ්හාවාරම්පි විත්ථාරෙතබ්බං.)

පරාමාසගොච්ඡකකුසලත්තිකං නිට්ඨිතං.