1-7. පටිච්චවාරාදි
පච්චයචතුක්කං
හෙතුපච්චයො
10. ගන්ථනියං කුසලං ධම්මං පටිච්ච ගන්ථනියො කුසලො ධම්මො උප්පජ්ජති හෙතුපච්චයා. (1)
අගන්ථනියං කුසලං ධම්මං පටිච්ච අගන්ථනියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
11. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං, ලොකියලොකුත්තරගමනසදිසං).
(සහජාතවාරොපි…පෙ… පඤ්හාවාරොපි විත්ථාරෙතබ්බා.)
12. ගන්ථනියං අකුසලං ධම්මං පටිච්ච ගන්ථනියො අකුසලො ධම්මො උප්පජ්ජති හෙතුපච්චයා (සංඛිත්තං).
13. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
14. ගන්ථනියං අබ්‍යාකතං ධම්මං පටිච්ච ගන්ථනියො අබ්‍යාකතො ධම්මො උප්පජ්ජති හෙතුපච්චයා. (1)
අගන්ථනියං අබ්‍යාකතං ධම්මං පටිච්ච අගන්ථනියො අබ්‍යාකතො ධම්මො උප්පජ්ජති හෙතුපච්චයා… තීණි. (3)
ගන්ථනියං අබ්‍යාකතඤ්ච අගන්ථනියං අබ්‍යාකතඤ්ච ධම්මං පටිච්ච ගන්ථනියො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
15. හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච (සංඛිත්තං, ලොකියලොකුත්තරගමනසදිසං).
(සහජාතවාරොපි…පෙ… පඤ්හාවාරොපි විත්ථාරෙතබ්බා.)