1-7. පටිච්චවාරාදි
පච්චයචතුක්කං
හෙතුපච්චයො
38. ගන්ථවිප්පයුත්තං ගන්ථනියං කුසලං ධම්මං පටිච්ච ගන්ථවිප්පයුත්තො ගන්ථනියො කුසලො ධම්මො උප්පජ්ජති හෙතුපච්චයා. (1)
ගන්ථවිප්පයුත්තං අගන්ථනියං කුසලං ධම්මං පටිච්ච ගන්ථවිප්පයුත්තො අගන්ථනියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
39. හෙතුයා ද්වෙ, ආරම්මණෙ ද්වෙ…පෙ… අවිගතෙ ද්වෙ (සංඛිත්තං).
(සහජාතවාරොපි…පෙ… පඤ්හාවාරොපි සබ්බත්ථ විත්ථාරෙතබ්බා.)
40. ගන්ථවිප්පයුත්තං ගන්ථනියං අකුසලං ධම්මං පටිච්ච ගන්ථවිප්පයුත්තො ගන්ථනියො අකුසලො ධම්මො උප්පජ්ජති හෙතුපච්චයා (සංඛිත්තං).
41. හෙතුයා එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
42. ගන්ථවිප්පයුත්තං ගන්ථනියං අබ්‍යාකතං ධම්මං පටිච්ච ගන්ථවිප්පයුත්තො ගන්ථනියො අබ්‍යාකතො ධම්මො උප්පජ්ජති හෙතුපච්චයා. (1)
ගන්ථවිප්පයුත්තං අගන්ථනියං අබ්‍යාකතං ධම්මං පටිච්ච ගන්ථවිප්පයුත්තො අගන්ථනියො අබ්‍යාකතො ධම්මො උප්පජ්ජති හෙතුපච්චයා… තීණි.
ගන්ථවිප්පයුත්තං ගන්ථනියං අබ්‍යාකතඤ්ච ගන්ථවිප්පයුත්තං අගන්ථනියං අබ්‍යාකතඤ්ච ධම්මං පටිච්ච ගන්ථවිප්පයුත්තො ගන්ථනියො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
43. හෙතුයා පඤ්ච, ආරම්මණෙ ද්වෙ…පෙ… විපාකෙ පඤ්ච…පෙ… අවිගතෙ පඤ්ච (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)
44. ගන්ථවිප්පයුත්තො ගන්ථනියො අබ්‍යාකතො ධම්මො ගන්ථවිප්පයුත්තස්ස ගන්ථනියස්ස අබ්‍යාකතස්ස ධම්මස්ස හෙතුපච්චයෙන පච්චයො. (1)
ගන්ථවිප්පයුත්තො අගන්ථනියො අබ්‍යාකතො ධම්මො ගන්ථවිප්පයුත්තස්ස අගන්ථනියස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි (සංඛිත්තං).
45. හෙතුයා චත්තාරි, ආරම්මණෙ තීණි, අධිපතියා චත්තාරි…පෙ… අවිගතෙ සත්ත. (සංඛිත්තං.)
46. නහෙතුයා සත්ත, නආරම්මණෙ සත්ත (සංඛිත්තං).
හෙතුපච්චයා නආරම්මණෙ චත්තාරි (සංඛිත්තං).
නහෙතුපච්චයා ආරම්මණෙ තීණි (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)
ගන්ථගොච්ඡකකුසලත්තිකං නිට්ඨිතං.
(ඔඝගොච්ඡකම්පි යොගගොච්ඡකම්පි ආසවගොච්ඡකකුසලත්තිකසදිසං.)