1-7. පටිච්චවාරාදි
පච්චයචතුක්කං
හෙතුපච්චයො
10. සඤ්ඤොජනියං කුසලං ධම්මං පටිච්ච සඤ්ඤොජනියො කුසලො ධම්මො උප්පජ්ජති හෙතුපච්චයා. (1)
අසඤ්ඤොජනියං කුසලං ධම්මං පටිච්ච අසඤ්ඤොජනියො කුසලො ධම්මො උප්පජ්ජති හෙතුපච්චයා. (1) (සංඛිත්තං.)
11. හෙතුයා ද්වෙ, ආරම්මණෙ ද්වෙ (සංඛිත්තං).
(යථා චූළන්තරදුකෙ ලොකියදුකගමනං, එවං ඉමම්පි ඤාතබ්බං. සහජාතවාරොපි…පෙ… පඤ්හාවාරොපි විත්ථාරෙතබ්බා.)
12. සඤ්ඤොජනියං අකුසලං ධම්මං පටිච්ච සඤ්ඤොජනියො අකුසලො ධම්මො උප්පජ්ජති හෙතුපච්චයා (සංඛිත්තං).
13. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
අබ්‍යාකතපදං
හෙතුපච්චයො
14. සඤ්ඤොජනියං අබ්‍යාකතං ධම්මං පටිච්ච සඤ්ඤොජනියො අබ්‍යාකතො ධම්මො උප්පජ්ජති හෙතුපච්චයා. (1)
අසඤ්ඤොජනියං අබ්‍යාකතං ධම්මං පටිච්ච අසඤ්ඤොජනියො අබ්‍යාකතො ධම්මො උප්පජ්ජති හෙතුපච්චයා. අසඤ්ඤොජනියං අබ්‍යාකතං ධම්මං පටිච්ච සඤ්ඤොජනියො අබ්‍යාකතො ධම්මො උප්පජ්ජති හෙතුපච්චයා. අසඤ්ඤොජනියං අබ්‍යාකතං ධම්මං පටිච්ච සඤ්ඤොජනියො අබ්‍යාකතො ච අසඤ්ඤොජනියො අබ්‍යාකතො ච ධම්මා උප්පජ්ජන්ති හෙතුපච්චයා. (3)
සඤ්ඤොජනියං අබ්‍යාකතඤ්ච අසඤ්ඤොජනියං අබ්‍යාකතඤ්ච ධම්මං පටිච්ච සඤ්ඤොජනියො අබ්‍යාකතො ධම්මො උප්පජ්ජති හෙතුපච්චයා. (1)
15. හෙතුයා පඤ්ච, ආරම්මණෙ ද්වෙ, අධිපතියා පඤ්ච…පෙ… අවිගතෙ පඤ්ච (සංඛිත්තං).
චූළන්තරදුකෙ ලොකියදුකසදිසං. (සහජාතවාරොපි…පෙ… සම්පයුත්තවාරොපි විත්ථාරෙතබ්බා.)