7. පඤ්හාවාරො

පච්චයචතුක්කං

හෙතුපච්චයො

5. සඤ්ඤොජනො අකුසලො ධම්මො සඤ්ඤොජනස්ස අකුසලස්ස ධම්මස්ස හෙතුපච්චයෙන පච්චයො (සංඛිත්තං).

6. හෙතුයා තීණි, ආරම්මණෙ නව, අධිපතියා නව…පෙ… උපනිස්සයෙ ආසෙවනෙ නව, කම්මෙ තීණි, ආහාරෙ ඉන්ද්‍රියෙ ඣානෙ තීණි, මග්ගෙ සම්පයුත්තෙ නව…පෙ… අවිගතෙ නව (සංඛිත්තං).

7. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

අබ්‍යාකතපදං

හෙතුපච්චයො

8. නොසඤ්ඤොජනං අබ්‍යාකතං ධම්මං පටිච්ච නොසඤ්ඤොජනො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).

9. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

(සහජාතවාරෙපි…පෙ… පඤ්හාවාරෙපි සබ්බත්ථ එකං.)