1-7. පටිච්චවාරාදි

පච්චයචතුක්කං

හෙතුපච්චයො

37. සඤ්ඤොජනඤ්චෙව සඤ්ඤොජනසම්පයුත්තඤ්ච අකුසලං ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි.

සඤ්ඤොජනසම්පයුත්තඤ්චෙව නො ච සඤ්ඤොජනං අකුසලං ධම්මං පටිච්ච සඤ්ඤොජනසම්පයුත්තො චෙව නො ච සඤ්ඤොජනො අකුසලො ධම්මො උප්පජ්ජති හෙතුපච්චයා… තීණි.

සඤ්ඤොජනඤ්චෙව සඤ්ඤොජනසම්පයුත්තං අකුසලඤ්ච සඤ්ඤොජනසම්පයුත්තඤ්චෙව නො ච සඤ්ඤොජනං අකුසලඤ්ච ධම්මං පටිච්ච සඤ්ඤොජනො චෙව සඤ්ඤොජනසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

38. හෙතුයා නව, ආරම්මණෙ නව, අධිපතියා නව…පෙ… අවිගතෙ නව (සංඛිත්තං).

නහෙතුයා තීණි, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

(සහජාතවාරොපි… සම්පයුත්තවාරොපි පටිච්චවාරසදිසා විත්ථාරෙතබ්බා.)

39. සඤ්ඤොජනො චෙව සඤ්ඤොජනසම්පයුත්තො ච අකුසලො ධම්මො සඤ්ඤොජනස්ස චෙව සඤ්ඤොජනසම්පයුත්තස්ස ච අකුසලස්ස ධම්මස්ස හෙතුපච්චයෙන පච්චයො (සංඛිත්තං).

40. හෙතුයා තීණි, ආරම්මණෙ නව, අධිපතියා නව…පෙ… උපනිස්සයෙ ආසෙවනෙ නව, කම්මෙ ආහාරෙ ඉන්ද්‍රියෙ ඣානෙ තීණි, මග්ගෙ සම්පයුත්තෙ නව…පෙ… අවිගතෙ නව (සංඛිත්තං).

41. නහෙතුයා නව, නආරම්මණෙ නව, නඅධිපතියා නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)