3. අබ්‍යාකතපදං
හෙතුපච්චයො
16. සාසවං අබ්‍යාකතං ධම්මං පටිච්ච සාසවො අබ්‍යාකතො ධම්මො උප්පජ්ජති හෙතුපච්චයා. (1)
අනාසවං අබ්‍යාකතං ධම්මං පටිච්ච අනාසවො අබ්‍යාකතො ධම්මො උප්පජ්ජති හෙතුපච්චයා. අනාසවං අබ්‍යාකතං ධම්මං පටිච්ච සාසවො අබ්‍යාකතො ධම්මො උප්පජ්ජති හෙතුපච්චයා. අනාසවං අබ්‍යාකතං ධම්මං පටිච්ච සාසවො අබ්‍යාකතො ච අනාසවො අබ්‍යාකතො ච ධම්මා උප්පජ්ජන්ති හෙතුපච්චයා. (3)
සාසවං අබ්‍යාකතඤ්ච අනාසවං අබ්‍යාකතඤ්ච ධම්මං පටිච්ච සාසවො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
17. හෙතුයා පඤ්ච, ආරම්මණෙ ද්වෙ, අධිපතියා පඤ්ච…පෙ… ආසෙවනෙ එකං…පෙ… විපාකෙ පඤ්ච…පෙ… අවිගතෙ පඤ්ච (සංඛිත්තං).
නහෙතුයා එකං, නආරම්මණෙ තීණි, නඅධිපතියා ද්වෙ, නපුරෙජාතෙ චත්තාරි, නපච්ඡාජාතෙ නආසෙවනෙ පඤ්ච, නකම්මෙ…පෙ… නමග්ගෙ එකං…පෙ… නවිප්පයුත්තෙ ද්වෙ…පෙ… නොවිගතෙ තීණි (සංඛිත්තං).
(සහජාතවාරොපි…පෙ… සම්පයුත්තවාරොපි සබ්බත්ථ විත්ථාරෙතබ්බො.)