1-6. පටිච්චවාරාදි

අකුසලපදං

හෙතුපච්චයො

42. ආසවඤ්චෙව ආසවසම්පයුත්තඤ්ච අකුසලං ධම්මං පටිච්ච ආසවො චෙව ආසවසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි.

ආසවසම්පයුත්තඤ්චෙව නො ච ආසවං අකුසලං ධම්මං පටිච්ච ආසවසම්පයුත්තො චෙව නො ච ආසවො අකුසලො ධම්මො උප්පජ්ජති හෙතුපච්චයා… තීණි.

ආසවඤ්චෙව ආසවසම්පයුත්තඤ්ච අකුසලඤ්ච ආසවසම්පයුත්තඤ්චෙව නො ච ආසවං අකුසලඤ්ච ධම්මං පටිච්ච ආසවො චෙව ආසවසම්පයුත්තො ච අකුසලො ධම්මො උප්පජ්ජති හෙතුපච්චයා… තීණි (සංඛිත්තං).

43. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).

පච්චනීයං

නඅධිපතිපච්චයො

44. ආසවඤ්චෙව ආසවසම්පයුත්තඤ්ච අකුසලං ධම්මං පටිච්ච ආසවො චෙව ආසවසම්පයුත්තො ච අකුසලො ධම්මො උප්පජ්ජති නඅධිපතිපච්චයා.

45. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

(සහජාතවාරෙපි… සම්පයුත්තවාරෙපි සබ්බත්ථ නව.)