2. අකුසලපදං

හෙතුපච්චයො

22. ආසවසම්පයුත්තං අකුසලං ධම්මං පටිච්ච ආසවසම්පයුත්තො අකුසලො ධම්මො උප්පජ්ජති හෙතුපච්චයා… තීණි.

ආසවවිප්පයුත්තං අකුසලං ධම්මං පටිච්ච ආසවසම්පයුත්තො අකුසලො ධම්මො උප්පජ්ජති හෙතුපච්චයා. (1)

ආසවසම්පයුත්තං අකුසලඤ්ච ආසවවිප්පයුත්තං අකුසලඤ්ච ධම්මං පටිච්ච ආසවසම්පයුත්තො අකුසලො ධම්මො උප්පජ්ජති හෙතුපච්චයා. (1)

23. හෙතුයා පඤ්ච, ආරම්මණෙ පඤ්ච…පෙ… අවිගතෙ පඤ්ච (සංඛිත්තං. සහජාතවාරෙපි…පෙ… සම්පයුත්තවාරෙපි සබ්බත්ථ පඤ්ච.)

නහෙතුයා එකං, නඅධිපතියා පඤ්ච, නපුරෙජාතෙ පඤ්ච…පෙ… නකම්මෙ තීණි, නවිපාකෙ පඤ්ච, නවිප්පයුත්තෙ පඤ්ච (සංඛිත්තං).

24. ආසවසම්පයුත්තො අකුසලො ධම්මො ආසවසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො… තීණි.

ආසවවිප්පයුත්තො අකුසලො ධම්මො ආසවසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො. (1)

ආසවසම්පයුත්තො අකුසලො ච ආසවවිප්පයුත්තො අකුසලො ච ධම්මා ආසවසම්පයුත්තස්ස අකුසලස්ස ධම්මස්ස හෙතුපච්චයෙන පච්චයො. (1) (සංඛිත්තං.)

25. හෙතුයා පඤ්ච, ආරම්මණෙ නව, අධිපතියා එකං, අනන්තරෙ සමනන්තරෙ නව, සහජාතෙ අඤ්ඤමඤ්ඤෙ නිස්සයෙ පඤ්ච, උපනිස්සයෙ ආසෙවනෙ නව, කම්මෙ ආහාරෙ ඉන්ද්‍රියෙ ඣානෙ මග්ගෙ තීණි, සම්පයුත්තෙ පඤ්ච…පෙ… අවිගතෙ පඤ්ච (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)