1-7. පටිච්චවාරාදි
පච්චයචතුක්කං
හෙතුපච්චයො
9. සප්පච්චයං අබ්‍යාකතං ධම්මං පටිච්ච සප්පච්චයො අබ්‍යාකතො ධම්මො උප්පජ්ජති හෙතුපච්චයා (සංඛිත්තං).
10. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
නහෙතුයා එකං, නආරම්මණෙ එකං, නඅධිපතියා එකං (සබ්බත්ථ එකං, සංඛිත්තං).
පච්චයචතුක්කං
හෙතුපච්චයාදි
11. සප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස හෙතුපච්චයෙන පච්චයො. (1)
සප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස ආරම්මණපච්චයෙන පච්චයො. (1)
අප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස ආරම්මණපච්චයෙන පච්චයො. (1)
සප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස උපනිස්සයපච්චයෙන පච්චයො. (1)
අප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො. (1) (සංඛිත්තං.)
හෙතුයා එකං, ආරම්මණෙ ද්වෙ, අධිපතියා ද්වෙ, අනන්තරෙ එකං…පෙ… නිස්සයෙ එකං, උපනිස්සයෙ ද්වෙ, පුරෙජාතෙ එකං, පච්ඡාජාතෙ එකං, (සබ්බත්ථ එකං), අවිගතෙ එකං (සංඛිත්තං).
පච්චනීයුද්ධාරො
12. සප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො.
අප්පච්චයො අබ්‍යාකතො ධම්මො සප්පච්චයස්ස අබ්‍යාකතස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො (සංඛිත්තං).
13. නහෙතුයා ද්වෙ, නආරම්මණෙ එකං (සංඛිත්තං).
හෙතුපච්චයා නආරම්මණෙ එකං (සංඛිත්තං).
නහෙතුපච්චයා ආරම්මණෙ ද්වෙ (සංඛිත්තං).
සප්පච්චයදුකකුසලත්තිකං නිට්ඨිතං.