1-7. පටිච්චවාරාදි
පච්චයචතුක්කං
හෙතුපච්චයො
55. කෙනචි විඤ්ඤෙය්‍යං කුසලං ධම්මං පටිච්ච කෙනචි විඤ්ඤෙය්‍යො කුසලො ධම්මො උප්පජ්ජති හෙතුපච්චයා. කෙනචි විඤ්ඤෙය්‍යං කුසලං ධම්මං පටිච්ච කෙනචි නවිඤ්ඤෙය්‍යො කුසලො ධම්මො උප්පජ්ජති හෙතුපච්චයා. කෙනචි විඤ්ඤෙය්‍යං කුසලං ධම්මං පටිච්ච කෙනචි විඤ්ඤෙය්‍යො කුසලො ච කෙනචි නවිඤ්ඤෙය්‍යො කුසලො ච ධම්මා උප්පජ්ජන්ති හෙතුපච්චයා. (3) (සංඛිත්තං.)
56. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).
පච්චනීයං
නඅධිපතිපච්චයො
57. කෙනචි විඤ්ඤෙය්‍යං කුසලං ධම්මං පටිච්ච කෙනචි විඤ්ඤෙය්‍යො කුසලො ධම්මො උප්පජ්ජති නඅධිපතිපච්චයා (සංඛිත්තං).
58. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ නව, නවිපාකෙ නව…පෙ… නවිප්පයුත්තෙ නව (සංඛිත්තං).
(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)
පච්චයචතුක්කං
හෙතුපච්චයො
59. කෙනචි විඤ්ඤෙය්‍යො කුසලො ධම්මො කෙනචි විඤ්ඤෙය්‍යස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).
60. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව…පෙ… කම්මෙ නව…පෙ… අවිගතෙ නව (සංඛිත්තං).
නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ නව (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං. කෙනචි විඤ්ඤෙය්‍යං අකුසලම්පි කෙනචි විඤ්ඤෙය්‍යං අබ්‍යාකතම්පි කෙනචි විඤ්ඤෙය්‍යකුසලසදිසං විත්ථාරෙතබ්බං).
කෙනචිවිඤ්ඤෙය්‍යදුකකුසලත්තිකං නිට්ඨිතං.
චූළන්තරදුකං නිට්ඨිතං.