1-7. පටිච්චවාරාදි
පච්චයචතුක්කං
හෙතුපච්චයො
50. ලොකියං අබ්‍යාකතං ධම්මං පටිච්ච ලොකියො අබ්‍යාකතො ධම්මො උප්පජ්ජති හෙතුපච්චයා. (1)
ලොකුත්තරං අබ්‍යාකතං ධම්මං පටිච්ච ලොකුත්තරො අබ්‍යාකතො ධම්මො උප්පජ්ජති හෙතුපච්චයා… තීණි.
ලොකියං අබ්‍යාකතඤ්ච ලොකුත්තරං අබ්‍යාකතඤ්ච ධම්මං පටිච්ච ලොකියො අබ්‍යාකතො ධම්මො උප්පජ්ජති හෙතුපච්චයා. (1) (සංඛිත්තං.)
51. හෙතුයා පඤ්ච, ආරම්මණෙ ද්වෙ…පෙ… ආසෙවනෙ එකං, කම්මෙ පඤ්ච, විපාකෙ පඤ්ච…පෙ… අවිගතෙ පඤ්ච (සංඛිත්තං, අනුලොමං).
52. නහෙතුයා එකං, නආරම්මණෙ තීණි, නඅධිපතියා ද්වෙ…පෙ… නපුරෙජාතෙ චත්තාරි, නපච්ඡාජාතෙ පඤ්ච…පෙ… නකම්මෙ එකං, නවිපාකෙ එකං, නආහාරෙ එකං…පෙ… නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (සංඛිත්තං, පච්චනීයං).
(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)
පච්චයචතුක්කං
හෙතුපච්චයො
53. ලොකියො අබ්‍යාකතො ධම්මො ලොකියස්ස අබ්‍යාකතස්ස ධම්මස්ස හෙතුපච්චයෙන පච්චයො. (1)
ලොකුත්තරො අබ්‍යාකතො ධම්මො ලොකුත්තරස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි (සංඛිත්තං).
54. හෙතුයා චත්තාරි, ආරම්මණෙ තීණි, අධිපතියා චත්තාරි, අනන්තරෙ චත්තාරි, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ සත්ත, උපනිස්සයෙ චත්තාරි, පුරෙජාතෙ ද්වෙ, පච්ඡාජාතෙ ද්වෙ, ආසෙවනෙ එකං, කම්මෙ චත්තාරි, විපාකෙ චත්තාරි, ආහාරෙ චත්තාරි…පෙ… මග්ගෙ චත්තාරි, සම්පයුත්තෙ ද්වෙ, විප්පයුත්තෙ තීණි, අත්ථියා සත්ත…පෙ… අවිගතෙ සත්ත (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)
ලොකියදුකකුසලත්තිකං නිට්ඨිතං.