1-7. පටිච්චවාරාදි

පච්චයචතුක්කං

හෙතුපච්චයො

43. ලොකියං කුසලං ධම්මං පටිච්ච ලොකියො කුසලො ධම්මො උප්පජ්ජති හෙතුපච්චයා. (1)

ලොකුත්තරං කුසලං ධම්මං පටිච්ච ලොකුත්තරො කුසලො ධම්මො උප්පජ්ජති හෙතුපච්චයා. (1)

ලොකියං කුසලං ධම්මං පටිච්ච ලොකියො කුසලො ධම්මො උප්පජ්ජති ආරම්මණපච්චයා. (1)

ලොකුත්තරං කුසලං ධම්මං පටිච්ච ලොකුත්තරො කුසලො ධම්මො උප්පජ්ජති ආරම්මණපච්චයා. (1) (සංඛිත්තං.)

44. හෙතුයා ද්වෙ, ආරම්මණෙ ද්වෙ, අධිපතියා ද්වෙ…පෙ… කම්මෙ ද්වෙ…පෙ… අවිගතෙ ද්වෙ (සංඛිත්තං, අනුලොමං).

45. නඅධිපතියා ද්වෙ…පෙ… නආසෙවනෙ එකං…පෙ… නවිප්පයුත්තෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)

පච්චයචතුක්කං

හෙතුපච්චයාදි

46. ලොකියො කුසලො ධම්මො ලොකියස්ස කුසලස්ස ධම්මස්ස හෙතුපච්චයෙන පච්චයො. (1)

ලොකුත්තරො කුසලො ධම්මො ලොකුත්තරස්ස කුසලස්ස ධම්මස්ස හෙතුපච්චයෙන පච්චයො. (1)

ලොකියො කුසලො ධම්මො ලොකියස්ස කුසලස්ස ධම්මස්ස ආරම්මණපච්චයෙන පච්චයො. (1)

ලොකුත්තරො කුසලො ධම්මො ලොකියස්ස කුසලස්ස ධම්මස්ස ආරම්මණපච්චයෙන පච්චයො. (1)

ලොකියො කුසලො ධම්මො ලොකියස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. (1)

ලොකුත්තරො කුසලො ධම්මො ලොකුත්තරස්ස කුසලස්ස ධම්මස්ස අධිපතිපච්චයෙන පච්චයො – සහජාතාධිපති. ලොකුත්තරො කුසලො ධම්මො ලොකියස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති. (2) (සංඛිත්තං.)

47. හෙතුයා ද්වෙ, ආරම්මණෙ ද්වෙ, අධිපතියා තීණි, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ…පෙ… උපනිස්සයෙ චත්තාරි, ආසෙවනෙ ද්වෙ, කම්මෙ ද්වෙ, ආහාරෙ ද්වෙ…පෙ… අවිගතෙ ද්වෙ (සංඛිත්තං.)