1-7. පටිච්චවාරාදි

පච්චයචතුක්කං

හෙතුපච්චයො

1. සප්පච්චයං කුසලං ධම්මං පටිච්ච සප්පච්චයො කුසලො ධම්මො උප්පජ්ජති හෙතුපච්චයා. (1) (සංඛිත්තං).

2. හෙතුයා එකං, ආරම්මණෙ එකං, අධිපතියා එකං…පෙ… අවිගතෙ එකං (සංඛිත්තං).

නඅධිපතිපච්චයො

3. සප්පච්චයං කුසලං ධම්මං පටිච්ච සප්පච්චයො කුසලො ධම්මො උප්පජ්ජති නඅධිපතිපච්චයා (සංඛිත්තං).

4. නඅධිපතියා එකං, නපුරෙජාතෙ එකං, නපච්ඡාජාතෙ එකං, නආසෙවනෙ එකං, නකම්මෙ එකං, නවිපාකෙ එකං, නවිප්පයුත්තෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)

පච්චයචතුක්කං

හෙතුපච්චයො

5. සප්පච්චයො කුසලො ධම්මො සප්පච්චයස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).

6. හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).

7. සප්පච්චයං අකුසලං ධම්මං පටිච්ච සප්පච්චයො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)

8. හෙතුයා එකං, ආරම්මණෙ එකං…පෙ… අවිගතෙ එකං. (සහජාතවාරෙපි…පෙ… පඤ්හාවාරෙපි සබ්බත්ථ එකං).