1-6. පටිච්චවාරාදි
පච්චයචතුක්කං
හෙතුපච්චයො
26. සප්පටිඝං අබ්‍යාකතං ධම්මං පටිච්ච සප්පටිඝො අබ්‍යාකතො ධම්මො උප්පජ්ජති හෙතුපච්චයා. සප්පටිඝං අබ්‍යාකතං ධම්මං පටිච්ච අප්පටිඝො අබ්‍යාකතො ධම්මො උප්පජ්ජති හෙතුපච්චයා. සප්පටිඝං අබ්‍යාකතං ධම්මං පටිච්ච සප්පටිඝො අබ්‍යාකතො ච අප්පටිඝො අබ්‍යාකතො ච ධම්මා උප්පජ්ජන්ති හෙතුපච්චයා… නව.
අප්පටිඝං අබ්‍යාකතං ධම්මං පටිච්ච අප්පටිඝො අබ්‍යාකතො ධම්මො උප්පජ්ජති ආරම්මණපච්චයා (සංඛිත්තං).
27. හෙතුයා නව, ආරම්මණෙ එකං, අධිපතියා නව…පෙ… අඤ්ඤමඤ්ඤෙ ඡ, නිස්සයෙ නව, උපනිස්සයෙ එකං, පුරෙජාතෙ ආසෙවනෙ එකං, කම්මෙ නව, විපාකෙ නව…පෙ… අවිගතෙ නව (සංඛිත්තං).
නහෙතුපච්චයො
28. සප්පටිඝං අබ්‍යාකතං ධම්මං පටිච්ච සප්පටිඝො අබ්‍යාකතො ධම්මො උප්පජ්ජති නහෙතුපච්චයා (සංඛිත්තං).
29. නහෙතුයා නව…පෙ… නොවිගතෙ නව (සබ්බත්ථ නව, සංඛිත්තං).