1-6. පටිච්චවාරාදි
පච්චයචතුක්කං
හෙතුපච්චයො
17. සහෙතුකං අබ්‍යාකතං ධම්මං පටිච්ච සහෙතුකො අබ්‍යාකතො ධම්මො උප්පජ්ජති හෙතුපච්චයා… තීණි.
අහෙතුකං අබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති හෙතුපච්චයා… තීණි.
සහෙතුකං අබ්‍යාකතඤ්ච අහෙතුකං අබ්‍යාකතඤ්ච ධම්මං පටිච්ච සහෙතුකො අබ්‍යාකතො ධම්මො උප්පජ්ජති හෙතුපච්චයා… තීණි.
18. හෙතුයා නව, ආරම්මණෙ චත්තාරි, අධිපතියා පඤ්ච, අනන්තරෙ චත්තාරි, සමනන්තරෙ චත්තාරි, සහජාතෙ නව, අඤ්ඤමඤ්ඤෙ ඡ…පෙ… පුරෙජාතෙ ද්වෙ, ආසෙවනෙ ද්වෙ, කම්මෙ නව, විපාකෙ නව…පෙ… විප්පයුත්තෙ නව…පෙ… අවිගතෙ නව (සංඛිත්තං).
නහෙතු-නආරම්මණපච්චයා
19. අහෙතුකං අබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති නහෙතුපච්චයා. (1)
සහෙතුකං අබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති නආරම්මණපච්චයා. (1)
අහෙතුකං අබ්‍යාකතං ධම්මං පටිච්ච අහෙතුකො අබ්‍යාකතො ධම්මො උප්පජ්ජති නආරම්මණපච්චයා. (1)
සහෙතුකං අබ්‍යාකතඤ්ච අහෙතුකං අබ්‍යාකතඤ්ච ධම්මං පටිච්ච අහෙතුකො අබ්‍යාකතො ධම්මො උප්පජ්ජති නආරම්මණපච්චයා. (1)
සහෙතුකං අබ්‍යාකතං ධම්මං පටිච්ච සහෙතුකො අබ්‍යාකතො ධම්මො උප්පජ්ජති නඅධිපතිපච්චයා (සංඛිත්තං).
20. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ එකං (සංඛිත්තං).
(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)