1-6. පටිච්චවාරාදි
පච්චයචතුක්කං
හෙතුපච්චයො
97. නහෙතුං සහෙතුකං අබ්‍යාකතං ධම්මං පටිච්ච නහෙතු සහෙතුකො අබ්‍යාකතො ධම්මො උප්පජ්ජති හෙතුපච්චයා. නහෙතුං සහෙතුකං අබ්‍යාකතං ධම්මං පටිච්ච නහෙතු අහෙතුකො අබ්‍යාකතො ධම්මො උප්පජ්ජති හෙතුපච්චයා. නහෙතුං සහෙතුකං අබ්‍යාකතං ධම්මං පටිච්ච නහෙතු සහෙතුකො අබ්‍යාකතො ච නහෙතු අහෙතුකො අබ්‍යාකතො ච ධම්මා උප්පජ්ජන්ති හෙතුපච්චයා. (3)
නහෙතුං අහෙතුකං අබ්‍යාකතං ධම්මං පටිච්ච නහෙතු අහෙතුකො අබ්‍යාකතො ධම්මො උප්පජ්ජති හෙතුපච්චයා… තීණි.
නහෙතුං සහෙතුකං අබ්‍යාකතඤ්ච නහෙතුං අහෙතුකං අබ්‍යාකතඤ්ච ධම්මං පටිච්ච නහෙතු සහෙතුකො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
98. හෙතුයා නව, ආරම්මණෙ චත්තාරි, අධිපතියා පඤ්ච…පෙ… පුරෙජාතෙ ආසෙවනෙ ද්වෙ, කම්මෙ නව, විපාකෙ නව…පෙ… අවිගතෙ නව (සංඛිත්තං).
නහෙතුපච්චයො
99. නහෙතුං අහෙතුකං අබ්‍යාකතං ධම්මං පටිච්ච නහෙතු අහෙතුකො අබ්‍යාකතො ධම්මො උප්පජ්ජති නහෙතුපච්චයා (සංඛිත්තං).
100. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ එකං (සංඛිත්තං).
(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)