1-7. පටිච්චවාරාදි

පච්චයචතුක්කං

හෙතුපච්චයො

93. නහෙතුං සහෙතුකං කුසලං ධම්මං පටිච්ච නහෙතු සහෙතුකො කුසලො ධම්මො උප්පජ්ජති හෙතුපච්චයා (සංඛිත්තං).

94. හෙතුයා එකං, ආරම්මණෙ එකං (සබ්බත්ථ එකං), අවිගතෙ එකං.

නඅධිපතියා එකං, නපුරෙජාතෙ එකං…පෙ… නවිපාකෙ එකං, නවිප්පයුත්තෙ එකං (පඤ්හාවාරෙපි සබ්බත්ථ එකං).

හෙතුපච්චයො

95. නහෙතුං සහෙතුකං අකුසලං ධම්මං පටිච්ච නහෙතු සහෙතුකො අකුසලො ධම්මො උප්පජ්ජති හෙතුපච්චයා (සංඛිත්තං).

96. හෙතුයා එකං, ආරම්මණෙ එකං (සබ්බත්ථ එකං), අවිගතෙ එකං. (හෙතුපච්චයො නත්ථි. පඤ්හාවාරෙපි සබ්බත්ථ එකං, පඤ්හාවාරෙපි ඉමෙසං තිණ්ණන්නං හෙතුපච්චයො නත්ථි.)