7. පඤ්හාවාරො
පච්චයචතුක්කං
හෙතුපච්චයාදි
89. හෙතු චෙව හෙතුසම්පයුත්තො ච අබ්‍යාකතො ධම්මො හෙතුස්ස චෙව හෙතුසම්පයුත්තස්ස ච අබ්‍යාකතස්ස ධම්මස්ස හෙතුපච්චයෙන පච්චයො (සංඛිත්තං).
90. හෙතුයා තීණි, ආරම්මණෙ නව, අධිපතියා නව…පෙ… ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ සම්පයුත්තෙ නව…පෙ… අවිගතෙ නව (සංඛිත්තං).
පච්චනීයුද්ධාරො
91. හෙතු චෙව හෙතුසම්පයුත්තො ච අබ්‍යාකතො ධම්මො හෙතුස්ස චෙව හෙතුසම්පයුත්තස්ස ච අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).
92. නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)
හෙතුහෙතුසම්පයුත්තදුකකුසලත්තිකං නිට්ඨිතං.