1-6. පටිච්චවාරාදි

පච්චයචතුක්කං

හෙතුපච්චයො

71. හෙතුඤ්චෙව හෙතුසම්පයුත්තඤ්ච කුසලං ධම්මං පටිච්ච හෙතු චෙව හෙතුසම්පයුත්තො ච කුසලො ධම්මො උප්පජ්ජති හෙතුපච්චයා. හෙතුඤ්චෙව හෙතුසම්පයුත්තඤ්ච කුසලං ධම්මං පටිච්ච හෙතුසම්පයුත්තො චෙව න ච හෙතු කුසලො ධම්මො උප්පජ්ජති හෙතුපච්චයා (සංඛිත්තං).

72. හෙතුයා නව, ආරම්මණෙ නව…පෙ… අවිගතෙ නව (සංඛිත්තං).

නඅධිපතිපච්චයො

73. හෙතුඤ්චෙව හෙතුසම්පයුත්තඤ්ච කුසලං ධම්මං පටිච්ච හෙතු චෙව හෙතුසම්පයුත්තො ච කුසලො ධම්මො උප්පජ්ජති නඅධිපතිපච්චයා (සංඛිත්තං).

74. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

අධිපතිපච්චයා හෙතුයා නව (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)