1-6. පටිච්චවාරාදි

පච්චයචතුක්කං

හෙතුපච්චයො

47. හෙතුඤ්චෙව සහෙතුකඤ්ච කුසලං ධම්මං පටිච්ච හෙතු චෙව සහෙතුකො ච කුසලො ධම්මො උප්පජ්ජති හෙතුපච්චයා… තීණි.

සහෙතුකඤ්චෙව න ච හෙතුං කුසලං ධම්මං පටිච්ච සහෙතුකො චෙව න ච හෙතු කුසලො ධම්මො උප්පජ්ජති හෙතුපච්චයා… තීණි.

හෙතුඤ්චෙව සහෙතුකඤ්ච කුසලඤ්ච සහෙතුකඤ්චෙව න ච හෙතුං කුසලඤ්ච ධම්මං පටිච්ච හෙතු චෙව සහෙතුකො ච කුසලො ධම්මො උප්පජ්ජති හෙතුපච්චයා… තීණි (සංඛිත්තං).

48. හෙතුයා නව, ආරම්මණෙ නව…පෙ… කම්මෙ නව, ආහාරෙ නව…පෙ… අවිගතෙ නව (සංඛිත්තං).

නඅධිපතිපච්චයො

49. හෙතුඤ්චෙව සහෙතුකඤ්ච කුසලං ධම්මං පටිච්ච හෙතු චෙව සහෙතුකො ච කුසලො ධම්මො උප්පජ්ජති නඅධිපතිපච්චයා (සංඛිත්තං).

50. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නඅධිපතිපච්චයා හෙතුයා නව (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)