7. පඤ්හාවාරො
පච්චයචතුක්කං
හෙතු-ආරම්මණපච්චයා
43. හෙතුසම්පයුත්තො අබ්‍යාකතො ධම්මො හෙතුසම්පයුත්තස්ස අබ්‍යාකතස්ස ධම්මස්ස හෙතුපච්චයෙන පච්චයො… තීණි.
හෙතුසම්පයුත්තො අබ්‍යාකතො ධම්මො හෙතුසම්පයුත්තස්ස අබ්‍යාකතස්ස ධම්මස්ස ආරම්මණපච්චයෙන පච්චයො (සංඛිත්තං).
44. හෙතුයා තීණි, ආරම්මණෙ චත්තාරි, අධිපතියා චත්තාරි, අනන්තරෙ චත්තාරි, කම්මෙ චත්තාරි, විපාකෙ චත්තාරි…පෙ… අවිගතෙ සත්ත (සංඛිත්තං).
පච්චනීයුද්ධාරො
45. හෙතුසම්පයුත්තො අබ්‍යාකතො ධම්මො හෙතුසම්පයුත්තස්ස අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො.
46. නහෙතුයා සත්ත, නආරම්මණෙ සත්ත (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ චත්තාරි (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)
හෙතුසම්පයුත්තදුකකුසලත්තිකං නිට්ඨිතං.