7. පඤ්හාවාරො

පච්චයචතුක්කං

හෙතුපච්චයො

28. හෙතුසම්පයුත්තො කුසලො ධම්මො හෙතුසම්පයුත්තස්ස කුසලස්ස ධම්මස්ස හෙතුපච්චයෙන පච්චයො (සංඛිත්තං).

හෙතුයා එකං, ආරම්මණෙ එකං, අධිපතියා එකං, අනන්තරෙ එකං, සමනන්තරෙ එකං…පෙ… කම්මෙ එකං…පෙ… අවිගතෙ එකං (සංඛිත්තං).

පච්චනීයුද්ධාරො

29. හෙතුසම්පයුත්තො කුසලො ධම්මො හෙතුසම්පයුත්තස්ස කුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො.

30. නහෙතුයා එකං, නආරම්මණෙ එකං (සංඛිත්තං).

හෙතුපච්චයා නආරම්මණෙ එකං (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)