අවිතක්කපදං
හෙතුපච්චයො
16. කුසලං අවිතක්කං ධම්මං පටිච්ච කුසලො අවිතක්කො ධම්මො උප්පජ්ජති හෙතුපච්චයා (සංඛිත්තං).
හෙතුයා සත්ත, ආරම්මණෙ ද්වෙ…පෙ… විපාකෙ එකං, අවිගතෙ සත්ත (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
17. කුසලො අවිතක්කො ධම්මො කුසලස්ස අවිතක්කස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො අවිතක්කො ධම්මො අබ්‍යාකතස්ස අවිතක්කස්ස ධම්මස්ස හෙතුපච්චයෙන පච්චයො. (1) (සංඛිත්තං.)
18. හෙතුයා චත්තාරි, ආරම්මණෙ නව…පෙ… අවිගතෙ දස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).