1-7. පටිච්චවාරාදි
හෙතුපච්චයො
6. අකුසලං භාවනාය පහාතබ්බං ධම්මං පටිච්ච අකුසලො භාවනාය පහාතබ්බො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
7. කුසලං නභාවනාය පහාතබ්බං ධම්මං පටිච්ච කුසලො නභාවනාය පහාතබ්බො ධම්මො උප්පජ්ජති හෙතුපච්චයා (සංඛිත්තං).
හෙතුයා නව, ආරම්මණෙ තීණි…පෙ… අවිගතෙ නව. (සංඛිත්තං.) (සහජාතවාරම්පි…පෙ… පඤ්හාවාරම්පි විත්ථාරෙතබ්බං.)