1-7. පටිච්චවාරාදි
පච්චයචතුක්කං
හෙතුපච්චයො
35. කුසලං රූපාවචරං ධම්මං පටිච්ච කුසලො රූපාවචරො ධම්මො උප්පජ්ජති හෙතුපච්චයා. (1)
අබ්‍යාකතං රූපාවචරං ධම්මං පටිච්ච අබ්‍යාකතො රූපාවචරො ධම්මො උප්පජ්ජති හෙතුපච්චයා. (1) (සංඛිත්තං.)
හෙතුයා ද්වෙ…පෙ… අවිගතෙ ද්වෙ (සංඛිත්තං).
(සහජාතවාරම්පි…පෙ… පඤ්හාවාරම්පි විත්ථාරෙතබ්බං.)
36. කුසලං නරූපාවචරං ධම්මං පටිච්ච කුසලො නරූපාවචරො ධම්මො උප්පජ්ජති හෙතුපච්චයා… තීණි.
අකුසලං නරූපාවචරං ධම්මං පටිච්ච අකුසලො නරූපාවචරො ධම්මො උප්පජ්ජති හෙතුපච්චයා… තීණි.
අබ්‍යාකතං නරූපාවචරං ධම්මං පටිච්ච අබ්‍යාකතො නරූපාවචරො ධම්මො උප්පජ්ජති හෙතුපච්චයා. (1)
කුසලං නරූපාවචරඤ්ච අබ්‍යාකතං නරූපාවචරඤ්ච ධම්මං පටිච්ච අබ්‍යාකතො නරූපාවචරො ධම්මො උප්පජ්ජති හෙතුපච්චයා. (1)
අකුසලං නරූපාවචරඤ්ච අබ්‍යාකතං නරූපාවචරඤ්ච ධම්මං පටිච්ච අබ්‍යාකතො නරූපාවචරො ධම්මො උප්පජ්ජති හෙතුපච්චයා. (1) (සංඛිත්තං.)
37. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
38. කුසලො නරූපාවචරො ධම්මො කුසලස්ස නරූපාවචරස්ස ධම්මස්ස හෙතුපච්චයෙන පච්චයො… තීණි.
අකුසලො නරූපාවචරො ධම්මො අකුසලස්ස නරූපාවචරස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො නරූපාවචරො ධම්මො අබ්‍යාකතස්ස නරූපාවචරස්ස ධම්මස්ස හෙතුපච්චයෙන පච්චයො. (1) (සංඛිත්තං.)
39. හෙතුයා සත්ත, ආරම්මණෙ නව…පෙ… අවිගතෙ තෙරස (සංඛිත්තං. යථා කුසලත්තිකෙ පඤ්හාවාරං, එවං විත්ථාරෙතබ්බං).