1-7. පටිච්චවාරාදි
හෙතුපච්චයො
1. අකුසලං දස්සනෙන පහාතබ්බං ධම්මං පටිච්ච අකුසලො දස්සනෙන පහාතබ්බො ධම්මො උප්පජ්ජති හෙතුපච්චයා (සංඛිත්තං).
හෙතුයා එකං, ආරම්මණෙ එකං…පෙ… අවිගතෙ එකං (සංඛිත්තං).
(සහජාතවාරෙපි…පෙ… පඤ්හාවාරෙපි සබ්බත්ථ එකං.)
2. කුසලං නදස්සනෙන පහාතබ්බං ධම්මං පටිච්ච කුසලො නදස්සනෙන පහාතබ්බො ධම්මො උප්පජ්ජති හෙතුපච්චයා… තීණි.
අකුසලං නදස්සනෙන පහාතබ්බං ධම්මං පටිච්ච අකුසලො නදස්සනෙන පහාතබ්බො ධම්මො උප්පජ්ජති හෙතුපච්චයා… තීණි.
අබ්‍යාකතං නදස්සනෙන පහාතබ්බං ධම්මං පටිච්ච අබ්‍යාකතො නදස්සනෙන පහාතබ්බො ධම්මො උප්පජ්ජති හෙතුපච්චයා. (1)
කුසලං නදස්සනෙන පහාතබ්බඤ්ච අබ්‍යාකතං නදස්සනෙන පහාතබ්බඤ්ච ධම්මං පටිච්ච අබ්‍යාකතො නදස්සනෙන පහාතබ්බො ධම්මො උප්පජ්ජති හෙතුපච්චයා. (1)
අකුසලං නදස්සනෙන පහාතබ්බඤ්ච අබ්‍යාකතං නදස්සනෙන පහාතබ්බඤ්ච ධම්මං පටිච්ච අබ්‍යාකතො නදස්සනෙන පහාතබ්බො ධම්මො උප්පජ්ජති හෙතුපච්චයා. (1)
3. හෙතුයා නව, ආරම්මණෙ තීණි…පෙ… අවිගතෙ නව (සංඛිත්තං. සහජාතවාරම්පි…පෙ… සම්පයුත්තවාරම්පි පටිච්චවාරසදිසං).
4. කුසලො නදස්සනෙන පහාතබ්බො ධම්මො කුසලස්ස නදස්සනෙන පහාතබ්බස්ස ධම්මස්ස හෙතුපච්චයෙන පච්චයො… තීණි.
අකුසලො නදස්සනෙන පහාතබ්බො ධම්මො අකුසලස්ස නදස්සනෙන පහාතබ්බස්ස ධම්මස්ස හෙතුපච්චයෙන පච්චයො… තීණි.
අබ්‍යාකතො නදස්සනෙන පහාතබ්බො ධම්මො අබ්‍යාකතස්ස නදස්සනෙන පහාතබ්බස්ස ධම්මස්ස හෙතුපච්චයෙන පච්චයො. (1) (සංඛිත්තං.)
5. හෙතුයා සත්ත, ආරම්මණෙ නව, අධිපතියා දස, අනන්තරෙ සත්ත…පෙ… අවිගතෙ තෙරස (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)