1-4. පච්චයානුලොමාදි

හෙතුපච්චයො

49. සංකිලිට්ඨං ධම්මං සංසට්ඨො සංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ …පෙ…. (1)

අසංකිලිට්ඨං ධම්මං සංසට්ඨො අසංකිලිට්ඨො ධම්මො උප්පජ්ජති හෙතුපච්චයා – අසංකිලිට්ඨං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුයා ද්වෙ, ආරම්මණෙ ද්වෙ, අධිපතියා ද්වෙ (සබ්බත්ථ ද්වෙ), විපාකෙ එකං…පෙ… අවිගතෙ ද්වෙ.

අනුලොමං.

50. සංකිලිට්ඨං ධම්මං සංසට්ඨො සංකිලිට්ඨො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

අසංකිලිට්ඨං ධම්මං සංසට්ඨො අසංකිලිට්ඨො ධම්මො උප්පජ්ජති නහෙතුපච්චයා – අහෙතුකං අසංකිලිට්ඨං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (1)

නහෙතුයා ද්වෙ, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ.

පච්චනීයං.