1. විභඞ්ගවාරො

නහෙතුපච්චයො

47. සංකිලිට්ඨං ධම්මං පච්චයා සංකිලිට්ඨො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො. (1)

අසංකිලිට්ඨං ධම්මං පච්චයා අසංකිලිට්ඨො ධම්මො උප්පජ්ජති නහෙතුපච්චයා – අහෙතුකං අසංකිලිට්ඨං…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා අසංකිලිට්ඨා ඛන්ධා. (1)

අසංකිලිට්ඨං ධම්මං පච්චයා සංකිලිට්ඨො ධම්මො උප්පජ්ජති නහෙතුපච්චයා – වත්ථුං පච්චයා විචිකිච්ඡාසහගතො උද්ධච්චසහගතො මොහො. (2)

සංකිලිට්ඨඤ්ච අසංකිලිට්ඨඤ්ච ධම්මං පච්චයා සංකිලිට්ඨො ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)