1. විභඞ්ගවාරො

හෙතුපච්චයො

44. සංකිලිට්ඨං ධම්මං පච්චයා සංකිලිට්ඨො ධම්මො උප්පජ්ජති හෙතුපච්චයා… තීණි (පටිච්චසදිසං).

අසංකිලිට්ඨං ධම්මං පච්චයා අසංකිලිට්ඨො ධම්මො උප්පජ්ජති හෙතුපච්චයා – අසංකිලිට්ඨං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අජ්ඣත්තිකා මහාභූතා) වත්ථුං පච්චයා අසංකිලිට්ඨා ඛන්ධා. (1)

අසංකිලිට්ඨං ධම්මං පච්චයා සංකිලිට්ඨො ධම්මො උප්පජ්ජති හෙතුපච්චයා – වත්ථුං පච්චයා සංකිලිට්ඨා ඛන්ධා. (2)

අසංකිලිට්ඨං ධම්මං පච්චයා සංකිලිට්ඨො ච අසංකිලිට්ඨො ච ධම්මා උප්පජ්ජන්ති හෙතුපච්චයා – වත්ථුං පච්චයා සංකිලිට්ඨා ඛන්ධා, මහාභූතෙ පච්චයා චිත්තසමුට්ඨානං රූපං. (3)

45. සංකිලිට්ඨඤ්ච අසංකිලිට්ඨඤ්ච ධම්මං පච්චයා සංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

සංකිලිට්ඨඤ්ච අසංකිලිට්ඨඤ්ච ධම්මං පච්චයා අසංකිලිට්ඨො ධම්මො උප්පජ්ජති හෙතුපච්චයා – සංකිලිට්ඨෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

සංකිලිට්ඨඤ්ච අසංකිලිට්ඨඤ්ච ධම්මං පච්චයා සංකිලිට්ඨො ච අසංකිලිට්ඨො ච ධම්මා උප්පජ්ජන්ති හෙතුපච්චයා – සංකිලිට්ඨං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… සංකිලිට්ඨෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං (සංඛිත්තං). (3)