1-6. පටිච්චවාරාදි

329. නියතං ධම්මං පටිච්ච නියතො ධම්මො උප්පජ්ජති හෙතුපච්චයා – නියතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. නියතං ධම්මං පටිච්ච අනියතො ධම්මො උප්පජ්ජති හෙතුපච්චයා – නියතෙ ඛන්ධෙ පටිච්ච චිත්තසමුට්ඨානං රූපං (සංඛිත්තං. පඤ්චපි පඤ්හා කාතබ්බා. යථා නිය්‍යානිකදුකං එවං පටිච්චවාරොපි සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි කාතබ්බා, නින්නානාකරණං ආමසනං නානං).