2. සඞ්ඛ්‍යාවාරො
323. හෙතුයා චත්තාරි, ආරම්මණෙ තීණි, අධිපතියා පඤ්ච, අනන්තරෙ තීණි, සමනන්තරෙ තීණි, සහජාතෙ පඤ්ච, අඤ්ඤමඤ්ඤෙ ද්වෙ, නිස්සයෙ සත්ත, උපනිස්සයෙ චත්තාරි, පුරෙජාතෙ ද්වෙ, පච්ඡාජාතෙ ද්වෙ, ආසෙවනෙ ද්වෙ, කම්මෙ චත්තාරි, විපාකෙ එකං, ආහාරෙ චත්තාරි, ඉන්ද්‍රියෙ චත්තාරි, ඣානෙ චත්තාරි, මග්ගෙ චත්තාරි, සම්පයුත්තෙ ද්වෙ, විප්පයුත්තෙ තීණි, අත්ථියා සත්ත, නත්ථියා තීණි, විගතෙ තීණි, අවිගතෙ සත්ත.
අනුලොමං.
පච්චනීයුද්ධාරො
324. නිය්‍යානිකො ධම්මො නිය්‍යානිකස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො. නිය්‍යානිකො ධම්මො අනිය්‍යානිකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. නිය්‍යානිකො ධම්මො නිය්‍යානිකස්ස ච අනිය්‍යානිකස්ස ච ධම්මස්ස සහජාතපච්චයෙන පච්චයො. (3)
325. අනිය්‍යානිකො ධම්මො අනිය්‍යානිකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. අනිය්‍යානිකො ධම්මො නිය්‍යානිකස්ස ධම්මස්ස උපනිස්සයපච්චයෙන පච්චයො… පුරෙජාතපච්චයෙන පච්චයො. (2)
නිය්‍යානිකො ච අනිය්‍යානිකො ච ධම්මා නිය්‍යානිකස්ස ධම්මස්ස සහජාතං, පුරෙජාතං. නිය්‍යානිකො ච අනිය්‍යානිකො ච ධම්මා අනිය්‍යානිකස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (3)