1. විභඞ්ගවාරො
හෙතුපච්චයො
313. නිය්‍යානිකො ධම්මො නිය්‍යානිකස්ස ධම්මස්ස හෙතුපච්චයෙන පච්චයො – නිය්‍යානිකා හෙතූ සම්පයුත්තකානං ඛන්ධානං හෙතුපච්චයෙන පච්චයො. (මූලං කාතබ්බං.) නිය්‍යානිකා හෙතූ චිත්තසමුට්ඨානානං රූපානං හෙතුපච්චයෙන පච්චයො. (මූලං කාතබ්බං.) නිය්‍යානිකා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො. (3)
අනිය්‍යානිකො ධම්මො අනිය්‍යානිකස්ස ධම්මස්ස හෙතුපච්චයෙන පච්චයො – අනිය්‍යානිකා හෙතූ සම්පයුත්තකානං ඛන්ධානං චිත්තසමුට්ඨානානඤ්ච රූපානං හෙතුපච්චයෙන පච්චයො; පටිසන්ධික්ඛණෙ…පෙ…. (1)
ආරම්මණපච්චයො
314. නිය්‍යානිකො ධම්මො අනිය්‍යානිකස්ස ධම්මස්ස ආරම්මණපච්චයෙන පච්චයො – අරියා මග්ගා වුට්ඨහිත්වා මග්ගං පච්චවෙක්ඛන්ති, චෙතොපරියඤාණෙන නිය්‍යානිකචිත්තසමඞ්ගිස්ස චිත්තං ජානාති, නිය්‍යානිකා ඛන්ධා චෙතොපරියඤාණස්ස, පුබ්බෙනිවාසානුස්සතිඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො. (1)
අනිය්‍යානිකො ධම්මො අනිය්‍යානිකස්ස ධම්මස්ස ආරම්මණපච්චයෙන පච්චයො – දානං…පෙ… සීලං…පෙ… උපොසථකම්මං කත්වා තං පච්චවෙක්ඛති අස්සාදෙති අභිනන්දති, තං ආරබ්භ රාගො උප්පජ්ජති…පෙ… දොමනස්සං උප්පජ්ජති; පුබ්බෙ සුචිණ්ණානි…පෙ… ඣානා…පෙ… අරියා ඵලං පච්චවෙක්ඛන්ති, නිබ්බානං පච්චවෙක්ඛන්ති, නිබ්බානං ගොත්‍රභුස්ස, වොදානස්ස, ඵලස්ස, ආවජ්ජනාය ආරම්මණපච්චයෙන පච්චයො; අරියා පහීනෙ කිලෙසෙ…පෙ… වික්ඛම්භිතෙ…පෙ… පුබ්බෙ සමුදාචිණ්ණෙ…පෙ… චක්ඛුං…පෙ… වත්ථුං අනිය්‍යානිකෙ ඛන්ධෙ අනිච්චතො…පෙ… දොමනස්සං උප්පජ්ජති; දිබ්බෙන චක්ඛුනා රූපං පස්සති, දිබ්බාය සොතධාතුයා සද්දං සුණාති, චෙතොපරියඤාණෙන අනිය්‍යානිකචිත්තසමඞ්ගිස්ස චිත්තං ජානාති, ආකාසානඤ්චායතනං විඤ්ඤාණඤ්චායතනස්ස…පෙ… ආකිඤ්චඤ්ඤායතනං නෙවසඤ්ඤානාසඤ්ඤායතනස්ස…පෙ… රූපායතනං චක්ඛුවිඤ්ඤාණස්ස…පෙ… ඵොට්ඨබ්බායතනං කායවිඤ්ඤාණස්ස…පෙ… අනිය්‍යානිකා ඛන්ධා ඉද්ධිවිධඤාණස්ස, චෙතොපරියඤාණස්ස, පුබ්බෙනිවාසානුස්සතිඤාණස්ස, යථාකම්මූපගඤාණස්ස, අනාගතංසඤාණස්ස, ආවජ්ජනාය ආරම්මණපච්චයෙන පච්චයො.
අනිය්‍යානිකො ධම්මො නිය්‍යානිකස්ස ධම්මස්ස ආරම්මණපච්චයෙන පච්චයො – නිබ්බානං මග්ගස්ස ආරම්මණපච්චයෙන පච්චයො. (2)
අධිපතිපච්චයො
315. නිය්‍යානිකො ධම්මො නිය්‍යානිකස්ස ධම්මස්ස අධිපතිපච්චයෙන පච්චයො. සහජාතාධිපති – නිය්‍යානිකාධිපති සම්පයුත්තකානං ඛන්ධානං අධිපතිපච්චයෙන පච්චයො. නිය්‍යානිකො ධම්මො අනිය්‍යානිකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – අරියා මග්ගා වුට්ඨහිත්වා මග්ගං ගරුං කත්වා පච්චවෙක්ඛන්ති. සහජාතාධිපති – නිය්‍යානිකාධිපති චිත්තසමුට්ඨානානං රූපානං අධිපතිපච්චයෙන පච්චයො. (මූලං කාතබ්බං.) නිය්‍යානිකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. (3)
316. අනිය්‍යානිකො ධම්මො අනිය්‍යානිකස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. ආරම්මණාධිපති – දානං…පෙ… සීලං…පෙ… උපොසථකම්මං කත්වා තං ගරුං කත්වා පච්චවෙක්ඛති අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති, පුබ්බෙ සුචිණ්ණානි…පෙ… ඣානා වුට්ඨහිත්වා…පෙ… අරියා ඵලං ගරුං කත්වා පච්චවෙක්ඛන්ති, නිබ්බානං ගරුං කත්වා පච්චවෙක්ඛන්ති, නිබ්බානං ගොත්‍රභුස්ස, වොදානස්ස, ඵලස්ස අධිපතිපච්චයෙන පච්චයො; චක්ඛුං…පෙ… වත්ථුං අනිය්‍යානිකෙ ඛන්ධෙ ගරුං කත්වා අස්සාදෙති අභිනන්දති, තං ගරුං කත්වා රාගො උප්පජ්ජති, දිට්ඨි උප්පජ්ජති. සහජාතාධිපති – අනිය්‍යානිකාධිපති සම්පයුත්තකානං ඛන්ධානං චිත්තසමුට්ඨානානඤ්ච රූපානං අධිපතිපච්චයෙන පච්චයො. අනිය්‍යානිකො ධම්මො නිය්‍යානිකස්ස ධම්මස්ස අධිපතිපච්චයෙන පච්චයො. ආරම්මණාධිපති – නිබ්බානං මග්ගස්ස අධිපතිපච්චයෙන පච්චයො. (2)
අනන්තරපච්චයාදි
317. නිය්‍යානිකො ධම්මො අනිය්‍යානිකස්ස ධම්මස්ස අනන්තරපච්චයෙන පච්චයො – මග්ගො ඵලස්ස අනන්තරපච්චයෙන පච්චයො. (1)
අනිය්‍යානිකො ධම්මො අනිය්‍යානිකස්ස ධම්මස්ස අනන්තරපච්චයෙන පච්චයො – පුරිමා පුරිමා අනිය්‍යානිකා ඛන්ධා පච්ඡිමානං පච්ඡිමානං අනිය්‍යානිකානං ඛන්ධානං අනන්තරපච්චයෙන පච්චයො; අනුලොමං ගොත්‍රභුස්ස… අනුලොමං වොදානස්ස… ඵලං ඵලස්ස… අනුලොමං ඵලසමාපත්තියා … නිරොධා වුට්ඨහන්තස්ස නෙවසඤ්ඤානාසඤ්ඤායතනං ඵලසමාපත්තියා අනන්තරපච්චයෙන පච්චයො. අනිය්‍යානිකො ධම්මො නිය්‍යානිකස්ස ධම්මස්ස අනන්තරපච්චයෙන පච්චයො… ගොත්‍රභු මග්ගස්ස; වොදානං මග්ගස්ස අනන්තරපච්චයෙන පච්චයො. (2)
සමනන්තරපච්චයෙන පච්චයො… සහජාතපච්චයෙන පච්චයො… පඤ්ච… අඤ්ඤමඤ්ඤපච්චයෙන පච්චයො… ද්වෙ… නිස්සයපච්චයෙන පච්චයො… සත්ත.
උපනිස්සයපච්චයො
318. නිය්‍යානිකො ධම්මො නිය්‍යානිකස්ස ධම්මස්ස උපනිස්සයපච්චයෙන පච්චයො. පකතූපනිස්සයො – පඨමො මග්ගො දුතියස්ස මග්ගස්ස උපනිස්සයපච්චයෙන පච්චයො…පෙ… තතියො මග්ගො චතුත්ථස්ස මග්ගස්ස උපනිස්සයපච්චයෙන පච්චයො. නිය්‍යානිකො ධම්මො අනිය්‍යානිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අරියා මග්ගං උපනිස්සාය අනුප්පන්නං සමාපත්තිං උප්පාදෙන්ති, උප්පන්නං සමාපජ්ජන්ති, සඞ්ඛාරෙ අනිච්චතො…පෙ… විපස්සන්ති, මග්ගො අරියානං අත්ථපටිසම්භිදාය…පෙ… පටිභානපටිසම්භිදාය ඨානාඨානකොසල්ලස්ස උපනිස්සයපච්චයෙන පච්චයො, මග්ගො ඵලසමාපත්තියා උපනිස්සයපච්චයෙන පච්චයො. (2)
319. අනිය්‍යානිකො ධම්මො අනිය්‍යානිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – අනිය්‍යානිකං සද්ධං උපනිස්සාය දානං දෙති, සීලං…පෙ… උපොසථකම්මං කරොති, ඣානං උප්පාදෙති… විපස්සනං… අභිඤ්ඤං… සමාපත්තිං උප්පාදෙති… මානං ජප්පෙති… දිට්ඨිං ගණ්හාති; අනිය්‍යානිකං සීලං…පෙ… පඤ්ඤං… රාගං…පෙ… පත්ථනං… උතුං… භොජනං… සෙනාසනං උපනිස්සාය දානං දෙති…පෙ… සමාපත්තිං උප්පාදෙති, පාණං හනති…පෙ… සඞ්ඝං භින්දති; අනිය්‍යානිකා සද්ධා…පෙ… සෙනාසනං අනිය්‍යානිකාය සද්ධාය…පෙ… පත්ථනාය… කායිකස්ස සුඛස්ස… කායිකස්ස දුක්ඛස්ස… ඵලසමාපත්තියා උපනිස්සයපච්චයෙන පච්චයො. අනිය්‍යානිකො ධම්මො නිය්‍යානිකස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො…පෙ…. පකතූපනිස්සයො – පඨමස්ස මග්ගස්ස පරිකම්මං පඨමස්ස මග්ගස්ස උපනිස්සයපච්චයෙන පච්චයො…පෙ… චතුත්ථස්ස මග්ගස්ස පරිකම්මං චතුත්ථස්ස මග්ගස්ස උපනිස්සයපච්චයෙන පච්චයො. (2)
පුරෙජාතපච්චයාදි
320. අනිය්‍යානිකො ධම්මො අනිය්‍යානිකස්ස ධම්මස්ස පුරෙජාතපච්චයෙන පච්චයො… ද්වෙ (අරූපදුකසදිසා කාතබ්බා)… පච්ඡාජාතපච්චයෙන පච්චයො… ද්වෙ… ආසෙවනපච්චයෙන පච්චයො… ද්වෙ.
කම්මපච්චයො
321. නිය්‍යානිකො ධම්මො නිය්‍යානිකස්ස ධම්මස්ස කම්මපච්චයෙන පච්චයො – නිය්‍යානිකා චෙතනා සම්පයුත්තකානං ඛන්ධානං කම්මපච්චයෙන පච්චයො. නිය්‍යානිකො ධම්මො අනිය්‍යානිකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා – නිය්‍යානිකා චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා – නිය්‍යානිකා චෙතනා ඵලස්ස කම්මපච්චයෙන පච්චයො. (මූලං කාතබ්බං) නිය්‍යානිකා චෙතනා සම්පයුත්තකානං ඛන්ධානං චිත්තසමුට්ඨානානඤ්ච රූපානං කම්මපච්චයෙන පච්චයො. (3)
322. අනිය්‍යානිකො ධම්මො අනිය්‍යානිකස්ස ධම්මස්ස කම්මපච්චයෙන පච්චයො – සහජාතා, නානාක්ඛණිකා. සහජාතා (සංඛිත්තං). නානාක්ඛණිකා – අනිය්‍යානිකා චෙතනා විපාකානං ඛන්ධානං කටත්තා ච රූපානං කම්මපච්චයෙන පච්චයො… විපාකපච්චයෙන පච්චයො… එකංයෙව… ආහාරපච්චයෙන පච්චයො… චත්තාරි… ඉන්ද්‍රියපච්චයෙන පච්චයො… චත්තාරි… ඣානපච්චයෙන පච්චයො… චත්තාරි… මග්ගපච්චයෙන පච්චයො… චත්තාරි… සම්පයුත්තපච්චයෙන පච්චයො… ද්වෙ… විප්පයුත්තපච්චයෙන පච්චයො… තීණි (අරූපදුකසදිසා කාතබ්බා)… අත්ථිපච්චයෙන පච්චයො… සත්ත (අරූපදුකසදිසා කාතබ්බා, ආමසනා නානාපදායෙව)… නත්ථිපච්චයෙන පච්චයො… තීණි… විගතපච්චයෙන පච්චයො… තීණි… අවිගතපච්චයෙන පච්චයො… සත්ත.