1-4. පච්චයානුලොමාදි

312. නිය්‍යානිකං ධම්මං සංසට්ඨො නිය්‍යානිකො ධම්මො උප්පජ්ජති හෙතුපච්චයා – නිය්‍යානිකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

අනිය්‍යානිකං ධම්මං සංසට්ඨො අනිය්‍යානිකො ධම්මො උප්පජ්ජති හෙතුපච්චයා – අනිය්‍යානිකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුයා ද්වෙ, ආරම්මණෙ ද්වෙ (සබ්බත්ථ ද්වෙ), විපාකෙ එකං…පෙ… අවිගතෙ ද්වෙ (අනුලොමං).

නහෙතුයා එකං, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ එකං, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ (පච්චනීයං).