1. විභඞ්ගවාරො
හෙතුපච්චයො
306. නිය්‍යානිකං ධම්මං පච්චයා නිය්‍යානිකො ධම්මො උප්පජ්ජති හෙතුපච්චයා… තීණි (පටිච්චසදිසා).
අනිය්‍යානිකං ධම්මං පච්චයා අනිය්‍යානිකො ධම්මො උප්පජ්ජති හෙතුපච්චයා – අනිය්‍යානිකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… (යාව අජ්ඣත්තිකා මහාභූතා) වත්ථුං පච්චයා අනිය්‍යානිකා ඛන්ධා. අනිය්‍යානිකං ධම්මං පච්චයා නිය්‍යානිකො ධම්මො උප්පජ්ජති හෙතුපච්චයා – වත්ථුං පච්චයා නිය්‍යානිකා ඛන්ධා. අනිය්‍යානිකං ධම්මං පච්චයා නිය්‍යානිකො ච අනිය්‍යානිකො ච ධම්මා උප්පජ්ජන්ති හෙතුපච්චයා – වත්ථුං පච්චයා නිය්‍යානිකා ඛන්ධා, මහාභූතෙ පච්චයා චිත්තසමුට්ඨානං රූපං. (3)
307. නිය්‍යානිකඤ්ච අනිය්‍යානිකඤ්ච ධම්මං පච්චයා නිය්‍යානිකො ධම්මො උප්පජ්ජති හෙතුපච්චයා – නිය්‍යානිකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. නිය්‍යානිකඤ්ච අනිය්‍යානිකඤ්ච ධම්මං පච්චයා අනිය්‍යානිකො ධම්මො උප්පජ්ජති හෙතුපච්චයා – නිය්‍යානිකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. නිය්‍යානිකඤ්ච අනිය්‍යානිකඤ්ච ධම්මං පච්චයා නිය්‍යානිකො ච අනිය්‍යානිකො ච ධම්මා උප්පජ්ජන්ති හෙතුපච්චයා – නිය්‍යානිකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… නිය්‍යානිකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)