1. විභඞ්ගවාරො
නහෙතු-නආරම්මණපච්චයා
302. අනිය්‍යානිකං ධම්මං පටිච්ච අනිය්‍යානිකො ධම්මො උප්පජ්ජති නහෙතුපච්චයා – අහෙතුකං අනිය්‍යානිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… (යාව අසඤ්ඤසත්තා) විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1) නආරම්මණපච්චයා… තීණි.
නඅධිපතිපච්චයාදි
303. නිය්‍යානිකං ධම්මං පටිච්ච නිය්‍යානිකො ධම්මො උප්පජ්ජති නඅධිපතිපච්චයා – නිය්‍යානිකෙ ඛන්ධෙ පටිච්ච නිය්‍යානිකාධිපති. (1)
අනිය්‍යානිකං ධම්මං පටිච්ච අනිය්‍යානිකො ධම්මො උප්පජ්ජති නඅධිපතිපච්චයා – අනිය්‍යානිකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… (යාව අසඤ්ඤසත්තා කාතබ්බා). (1)
නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා…පෙ….
නපුරෙජාතපච්චයො
304. නිය්‍යානිකං ධම්මං පටිච්ච නිය්‍යානිකො ධම්මො උප්පජ්ජති නපුරෙජාතපච්චයා – අරූපෙ නිය්‍යානිකං එකං ඛන්ධං…පෙ…. නිය්‍යානිකං ධම්මං පටිච්ච අනිය්‍යානිකො ධම්මො උප්පජ්ජති නපුරෙජාතපච්චයා – නිය්‍යානිකෙ ඛන්ධෙ පටිච්ච චිත්තසමුට්ඨානං රූපං. (2)
අනිය්‍යානිකං ධම්මං පටිච්ච අනිය්‍යානිකො ධම්මො උප්පජ්ජති නපුරෙජාතපච්චයා – අරූපෙ අනිය්‍යානිකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… අනිය්‍යානිකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ… (යාව අසඤ්ඤසත්තා). (1)
නිය්‍යානිකඤ්ච අනිය්‍යානිකඤ්ච ධම්මං පටිච්ච අනිය්‍යානිකො ධම්මො උප්පජ්ජති නපුරෙජාතපච්චයා – නිය්‍යානිකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)