1-4. පච්චයානුලොමාදි

හෙතුපච්චයො

278. අරූපාවචරං ධම්මං සංසට්ඨො අරූපාවචරො ධම්මො උප්පජ්ජති හෙතුපච්චයා – අරූපාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

නඅරූපාවචරං ධම්මං සංසට්ඨො නඅරූපාවචරො ධම්මො උප්පජ්ජති හෙතුපච්චයා – නඅරූපාවචරං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

හෙතුයා ද්වෙ…පෙ… අවිගතෙ ද්වෙ (අනුලොමං).

නහෙතුයා එකං, නඅධිපතියා ද්වෙ, නපුරෙජාතෙ ද්වෙ, නපච්ඡාජාතෙ ද්වෙ, නආසෙවනෙ ද්වෙ, නකම්මෙ ද්වෙ, නවිපාකෙ ද්වෙ, නඣානෙ එකං, නමග්ගෙ එකං, නවිප්පයුත්තෙ ද්වෙ (පච්චනීයං).