1. විභඞ්ගවාරො

නහෙතුපච්චයාදි

276. නඅරූපාවචරං ධම්මං පච්චයා නඅරූපාවචරො ධම්මො උප්පජ්ජති නහෙතුපච්චයා – අහෙතුකං නඅරූපාවචරං එකං ඛන්ධං…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නඅරූපාවචරා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1) නආරම්මණපච්චයා… තීණි.

අරූපාවචරං ධම්මං පච්චයා අරූපාවචරො ධම්මො උප්පජ්ජති නඅධිපතිපච්චයා – අරූපාවචරෙ ඛන්ධෙ පච්චයා අරූපාවචරාධිපති, විපාකං අරූපාවචරං එකං ඛන්ධං…පෙ… පටිසන්ධික්ඛණෙ…පෙ…. (1)

නඅරූපාවචරං ධම්මං පච්චයා නඅරූපාවචරො ධම්මො උප්පජ්ජති නඅධිපතිපච්චයා – නඅරූපාවචරං එකං ඛන්ධං…පෙ… පටිසන්ධික්ඛණෙ…පෙ… (යාව අසඤ්ඤසත්තා) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා නඅරූපාවචරා ඛන්ධා. (1)